¹² ໜ້າ​ເສົ້າໃຈ ເອເຊເກຍເຊ​ກາຍ​ເປັນ​ຄົນ​ຍິ່ງ. ຜົນ​ກໍ​ຄື ລາວ “ບໍ່​ໄດ້​ສຳນຶກ​ບຸນ​ຄຸນ​ທີ່​ພະເຈົ້າ​ດີ​ກັບ​ລາວ, ລ.ມ.” ຄຳພີ​ໄບເບິນ​ບໍ່​ໄດ້​ບອກ​ວ່າ​ເປັນ​ຫຍັງ​ຄວາມ​ຄິດ​ຂອງ​ລາວ​ຈຶ່ງ​ປ່ຽນ​ໄປ. ບາງ​ທີ​ອາດ​ເປັນ​ຍ້ອນ​ວ່າ​ລາວ​ຊະນະ​ພວກ​ອາຊີລີ ຫຼື​ຍ້ອນ​ວ່າ​ພະ​ເຢໂຫວາ​ປິ່ນປົວ​ລາວ​ໃຫ້​ເຊົາ​ຢ່າງ​ອັດສະຈັນ ຫຼື​ຍ້ອນ​ວ່າ​ລາວ​ກາຍ​ເປັນ​ຄົນ​ຮັ່ງມີ​ແລະ​ມີ​ຊື່ສຽງ. ເຖິງ​ວ່າ​ເອເຊເກຍເຊ​ຮັບໃຊ້​ພະ​ເຢໂຫວາ​ຢ່າງ​ສຸດ​ຫົວໃຈ ແຕ່​ມີ​ໄລຍະ​ໜຶ່ງ​ລາວ​ເປັນ​ຄົນ​ຍິ່ງ​ແລະ​ພະອົງ​ກໍ​ບໍ່​ພໍ​ໃຈ​ລາວ. ແຕ່​ຕໍ່​ມາ “ເອເຊເກຍເຊ​ໄດ້​ຖ່ອມ​ຕົວ” ແລະ​ພະ​ເຢໂຫວາ​ໃຫ້​ອະໄພ​ລາວ.—2 ຂ່າວຄາວ 32:25-27; ຄຳເພງ 138:6

¹⁴ ເຮົາ​ຄວນ​ຈື່​ໄວ້​ສະເໝີ​ທີ່​ພະ​ເຍຊູ​ບອກ​ວ່າ: “ເມື່ອ​ເຮັດ​ວຽກ​ທີ່​ນາຍ​ສັ່ງ​ແລ້ວ ກໍ​ຄວນ​ຈະ​ເວົ້າ​ວ່າ: ‘ພວກ​ເຮົາ​ເປັນ​ແຕ່​ທາດ​ທີ່​ເຮັດ​ຕາມ​ໜ້າ​ທີ່​ເທົ່າ​ນັ້ນ.’” (ລືກາ 17:10, ລ.ມ.) ໃຫ້​ຈື່​ໄວ້​ວ່າ​ເມື່ອ​ເອເຊເກຍເຊ​ກາຍ​ເປັນ​ຄົນ​ຍິ່ງ ລາວ​ບໍ່​ໄດ້​ຮູ້​ຄຸນຄ່າ​ຕໍ່​ສິ່ງ​ທີ່​ພະ​ເຢໂຫວາ​ຊ່ວຍ​ລາວ. ດັ່ງ​ນັ້ນ ເມື່ອ​ມີ​ຄົນ​ຊົມ​ເຊີຍ​ຄຳ​ບັນລະຍາຍ​ຂອງ​ເຮົາ ອັນ​ໃດ​ຈະ​ຊ່ວຍ​ເຮົາ​ໃຫ້​ຮັກສາ​ຄວາມ​ຖ່ອມ? ເຮົາ​ຄວນ​ຄິດ​ເຖິງ​ສິ່ງ​ທີ່​ພະ​ເຢໂຫວາ​ໄດ້​ເຮັດ​ເພື່ອ​ເຮົາ. ນອກ​ຈາກ​ນັ້ນ ເຮົາ​ຄວນ​ເວົ້າ​ກ່ຽວ​ກັບ​ເລື່ອງ​ຂອງ​ພະອົງ​ແລະ​ວິທີ​ທີ່​ພະອົງ​ໄດ້​ຊ່ວຍ​ເຮົາ. ສຳຄັນ​ທີ່​ສຸດ ພະ​ເຢໂຫວາ​ເປັນ​ຜູ້​ຈັດ​ໃຫ້​ເຮົາ​ມີ​ຄຳພີ​ໄບເບິນ​ແລະ​ແມ່ນ​ພະລັງ​ບໍລິສຸດ​ຂອງ​ພະອົງ​ທີ່​ຊ່ວຍ​ເຮົາ​ໃຫ້​ມີ​ຄວາມ​ສາມາດ​ບັນລະຍາຍ​ໄດ້.