KALABO 02
Gala Kɔlɔi De Ɣi-Togɛ Ga Ŋetea Vagɔ
Ŋeteai ɓaavɛ zaa nu laama ma. Zii zuulii, zii, zii zɛlɛgi ɓɔga seeɓɛi, te lamagɛ sa ga ʋike. Nii ɣavele ʋai ta ɣɛɛ dɛ ga yiɛ? Ɣeeta ya laa-nɔwɔ-wosu ɓɔvɛlaale ya zeeɓɛzu, ɔɔ e wõila nui ta zaa. Tanisu ya ɣi-gaa-ziɛzu ga, ‘Ŋeteai nii ɣa vaazu ɣɛɛzu ga ma vagɔ?’ Ya gaa-zaɣa-kɛɛ nii ɣaa wotegi vɛtɛ Gala Kɔlɔi zu.
1. Ki-to sɛɓɛi Gala Kɔlɔi fea de ya?
Gala Kɔlɔi dɛɛvɛ ga zaɓui e kɛɛ daa-nɔwɔ-wogi lamagɛi zui zu. E keela woo vagɔ ʋeevɛ wɔnɔ ga, su lɛ sa woozani ga daa-nɔwɔ-wogi niitiɛ te ɓea. Keela woo vagɔitiɛ te Gala Kɔlɔi zu, ta “ki-to fe de ya e vɛɛ ŋetea vagɔ va” (Jeremiah 29:11, 12 lodo.) Ki-togi niitiɛ ta ɓɔ de va de lo kpã faa ɓaagi niitiɛ zu. Towa kɛ wɔnɔ de ɣi-gaa-ziɛ ga pagɔ, kuuzu nɛɛ ɓɔɔɓɔɔ ge ɣɛ de ya.
2. Zɛɓɛi Gala Kɔlɔi boga e vile ŋinaa ŋeteai va?
Gala Kɔlɔi bogɛ ga ŋinaa ŋeteai zu, “saa lɛ sa wɔlɔ-wɔlɔ ɣɛɛ na ɔ́ nɔ ɣɛ ga te yii zuuli te wɔlɔ, ɔɔ taɓa maʋaa ta nɛpɛ ge ɣɛ sa na.” (Faa wuloai kɛnɛ ma 21:4 lodo.) Daa-nɔwɔ-wogi, woiagi, seeɓɛi ta sai, te lamagɛ zui zu sa ga ʋike. Maʋai ɣa ɓɔɔ ga zii zuuli. Fai niitiɛ ta vaazu ɓeazu. Gala Kɔlɔi ɣɛ a da vaazu yii-ma ɣɛɛzu zui nii ma wɔlɔ-wɔlɔ ta wɔlɔ-wɔlɔ.
3. E laavɛ la ga nii Gala Kɔlɔi boga tɔ vaazu ɣɛɛzu?
Nu lamaa te wõini ŋeteai ma ʋeli ga ma vagɔ, kɛ tɛ lɛ laani la ga fai niitiɛ ta ɣɛ. Gala Kɔlɔi ki-to kpɔɔɓɔɔ feevɛ de ya. Da la ga niitiɛ Gala Kɔlɔi boga ani da “wɛlɛ na Gala Kɔlɔi zu va sɛ-sɛ.” (Te Ɣɛɛ Ʋaitiɛ 17:11) Ya ɣɛɛna Gala Kɔlɔi maa wolizu, ya ɓɔɔ ya vaazu wɛlɛzu na va ga ani ki-togitiɛ é vile ŋinaa ŋeteai va ani ta ga gaama ɔɔ tɛ lɛ ga gaama.
FAA LAMAA MAA WOLI
Wɛlɛ faa taniga va Gala Kɔlɔi ɣɛ ta vaazu ɣɛɛzu ŋinaa ŋeteai zu. Ki-togi Gala Kɔlɔi fea, wɛlɛ velei e ɓɔsu la nu lamaa va.
4. Gala Kɔlɔi ɣɛ, da vaazu yɛsu ŋetea wɔlɔ-wɔlɔ ta wɔlɔ-wɔlɔ zii-la zu
Wɛlɛ ki-togi taniga va te Gala Kɔlɔi zu. Ma zɛɓɛ ɣa ɓɔɔ e e yii-laa?
A Gala goi niitiɛ lodo te ki-togi niitiɛ woba, wo gaa-zaɣa-kɛɛ niitiɛ ɣaa wote:
E ɣisu ya wulo Gala goi niitiɛ zu-nu-ma? E ɣisu ya ɣaalai ɓɔga ya ziɛ-puluitiɛ ta wulo su-nu-ma?
Ɓɔɔ vɛtɛ na zui nii zu,
VƐ FAI NII TA NƐPƐ LƐ VAAZU YƐSU NA . . . |
NU ƁƆGAPƐ KA SA YA . . . |
|---|---|
|
|
|
|
|
|
|
|
|
|
5. Ki-togitiɛ te Gala Kɔlɔi zu ta ɓɔ de va
Faa yowũitiɛ te ɣɛɛzu zui zu ta kɛ nu lamaa yii zuuli. Numaa taniga ta ɣaa ɓaazu ga te faa yowũi niitiɛ maa ʋeli bo. Ki-togi Gala Kɔlɔi fea ga faitiɛ ta vaazu ɣɛɛzu ga ma vagɔ, wɛlɛ velei e ɓɔsu la numaa va. ƲILIOGI nii lɛ ga. Yá wolona, wo gaa-zaɣa-kɛɛ niitiɛ ɣaa wote.
Ʋiliogi nii zu, zɛɓɛi e Rafika yii zuulini?
Velei ɓalaa fai nii maa lɛ ʋelini, Gala Kɔlɔi ɓɔni ba ɣɛ le?
Ki-togitiɛ te Gala Kɔlɔi zu e vile ŋeteai va, ta ɓɔ de va de zii zuulii yee maazu ɣale. Ta kɛ wɔnɔ de lo kpã faa ɓaagitiɛ zu, kuuzu nɛɛ ɣɛ de ya. A Proverbs 17:22 ɓɔga Loomɛitiɛ 12:12 lodo, wo gaa-zaɣa-kɛɛ niitiɛ ɣaa wote:
E ɣisu keela woo vagɔi e Gala Kɔlɔi zu towa ya ŋeteai maa ʋeli bo?
NUMAA TANIGA TA ƔƐ TEA: “Nii Gala Kɔlɔi boga e vile ŋinaa ŋeteai va ɛ lɛ ga gaama.”
Zɛɓɛi e kɛɛ e ga faa vagɔ ga e fai niitiɛ wɛ̃ɛ?
NII SA È MAA WOLIA
Keela woo vagɔi e Gala Kɔlɔi zu towa ki-to fe de ya. Towa ɓɔ wɔnɔ de va de lo kpã faa ɓaagitiɛ zu, kuuzu nɛɛ ɣɛ de ya.
Ma-ɓigitiɛ
Zɛɓɛi e kɛɛ manɛɛ numaa te faa wɛ̃ɛ e vile ki-togitiɛ va te Gala Kɔlɔi zu?
Zɛɓɛi Gala Kɔlɔi boga e vile ŋinaa ŋeteai va?
Ani ki-to ka e ya e vile ŋinaa ŋeteai va, towa ɓɔ e va ɣɛ le?
WƐLƐ FAA LAMAA VA
Faa maa woli e vile velei ki-togi ɣa ɓɔ la e va, ani ya na levesu faa ɓaa su.
Faa maa woli e vile velei ki-togi e vile ŋinaa ŋeteai va, towa ɓɔ la niitiɛ va te zeeɓɛzu ɓɔɔ ga ʋike.
“Ya Na Zeeɓɛzu Ga Ʋike—E Ɣisu Gala Kɔlɔi Ɣa Ɓɔ E Va?” (Kɔlɔi nii ɣa fãga wɔlɔi ma)
Ya na wɛlɛzu ʋiliogi nii va, ɣi-gaa-ziɛ ga wa ya ɣaalai wa zuu vagɔi nii zu Gala Kɔlɔi yɛpɛi e vile ba.
Wɛlɛ velei Gala Kɔlɔi ɓɔni la zunu gila ba, tei e faa maa wolini Gala Kɔlɔi zu e vile ŋinaa ŋeteai va.
“Gè Koni Ɓɔɔ Sa Ga Gɛ Lɛ Zooga Gɔ Ŋeteai Nii Ma Ʋeli” (The Watchtower, July 1, 2013)