VELEI MAA NƐƐ KOLAI MAA VEAITIƐ TE TA ŊETEAI ƔƐƐ LA

Vile Jehova Wɔwɔ-Wogi Zu E Kataba Wõila Lɛ

Jehova ɣa e ga po-kɔ̃ɔ-ma walai e vile kataba wõila va. (Ps 103:11) Ɛ lɛ nɔ wõilai nii lɛɛ siɛ ta wuuzu. Kataba wõila ɣa ga wõilai nii su wɔɔ-lɔi ɓɔɔ ma. Jehova dɛɛni ga wõilai nii ɣa zeea Yezɔitiɛ ʋaa ma pele lamaa zu. E te wuloni duolai zu Iije e li ga tiɛ zui nii zu e te Ɣi-Toni la. (Ps 105:42-44) E ŋapi wɔɔni na numaitiɛ ʋaa ma na ɣa ɣɛɛna siɛ nɛpɛ tɔɔ faa yowũ ɣɛɛna ɔ te zu-ʋaa-yɛ. (Ps 107:19, 20) Da “ɣi-gaa-ziɛna ɓɔɔ ga pagɔ Jehova na kataba wõilai ma,” daa wõi ga de vile kɔwɔ-wogi zu.—Ps 107:43.

Collage: Footei nii wulovɛ ʋiliogi nii zu “Ɣi-gaa-ziɛ Ɓɔɔ Ga Pagɔ Jehova Na Kataba Wõilai Ma.” 1. De ɣaa yɔwɔ̃i Capra ɓɔga de ɣaa yɔwɔ̃i nii te vaa vɛ ga te laalii de ɣaa yɔwɔ̃i nii ma. 2. De ɣaa yɔwɔ̃i Capra, ɣa kpidi vɛlɛ wu e vɛɛ de ɣaa yɔwɔ̃i taniga va, ta daami ŋɛni ʋeezu de ɣaa yɔwɔ̃i nii ya e laani yiɛ zeeɓɛ.

WƐLƐ PO-KƆ̃Ɔ-MA ƲILIOGI NII VA “ƔI-GAA-ZIƐ ƁƆƆ GA PAGƆ JEHOVA NA KATABA WÕILAI MA,” NA ƔA ƔƐƐNA WO GAA-ZAƔA-KƐƐ NIITIƐ ƔAA WOTE:

A da leve ɣɛ le a de dɛ ga kataba wõila ɣa de ya?

Your answer
Ga de dɛ ga kataba wõila ɣa de ya zɛɓɛi e kɛɛ maa nɛɛ de yee wulo faa taniga zu?

Your answer