Lwimbo 42

“Dine Dino’di Dyo Dishinda”

(Isaya 30:20, 21)

1. Diwi dya Yehova ditwita nyeke

Tulonde dishinda dyandi dyoloke.

Kalama wa Leza, wabinebine,

Ulombola ne kudyumuna nyeke.

Mu dishinda mwa kunanga,

Twendei’mo kwishisa mpika!

Matwi etu omvwa lwito lwitwitwanga

Mu dishinda dya kulonda.

Bukomo bwa Leza bwitukunkuja;

Tulondei nanshi dino dishinda.

2. Diwi dya Leza i dipite buya.

Ditufundijanga dyandi dishinda.

Tulamei pano matwi a nteja

Kutyina amba twakalumbakana.

Dyo dishinda dya mu mwinya,

Dyo dijila, ne dyeñenya!

Tumone byafwena ndoe yetu mwanda

Kidishitu wabikala.

Tolokelei mu dino dishinda,

Twidilonde nyeke ne moyo mpika.

3. Tusapulei dishinda dya Leza

Ku bantu bevwana pano pa ntanda.

Bafwena Yehova yabo Mpakala,

Pamo bwa bankunda benda bitanda.

I dishinda dya tusepo,

Ditwala ku bwanapabo.

Tushinda twa Leza i tuyampe mpata

Twa būmi bwampikwa mfulo.

Tubandule mitwe tupelakane,

Tubambilei meso ku Bulopwe.