Lwimbo 49
Yehova, Leza Mukatampe!
1. Yehova Leza, Wi Mukatampe,
Tukutendela abe. Tulonda mbila yobe.
Wi Mujidiki, Mfumu ne Zuji,
Tukeshintulwilanga kodi nyeke.
A Leza muyampe, bine muyampe;
Witukwashe mu mingilo yobe.
Dijina dyobe twiditendelanga;
Tukakwingidila konso kosaka.
Mulongi wetu, Muledi wetu,
Abe nsulo ya būmi.
2. Yehova Leza Mwine Ujila;
Tukakwingidilanga Konso kowitutuma.
Kiteba kyetu, Bukomo bwetu.
Mudi abe mo motukulupila.
A Leza wa buninge, ne wa buswe,
Witukomeje, tushimatyije.
Tuyukije mpango yobe miyampe;
Tukwingidile ne mingilo yobe.
Wi Ngabo yetu, Mpakala yetu,
Mityima idi kodi.
3. Yehova Leza, Wi Mufundiji,
Abe Mukumbi wetu Utala būmi bwetu.
Abe Mukūdi, Dibwe, Mulami,
Mwimvwaniki wa milombelo yetu,
A Leza wa lusa, bine wa lusa;
Twiyanga kodi kwa kusengibwa.
Kadi tulēmeka dijina dyobe.
Ufikidijanga binenwa byobe.
Yehova Leza, Shandya balanda,
Kutupu udi byodi.