Lwimbo 50
Twitabei ku Buswe bwa Leza
1. Yehova bunka bobe Wi Leza mukatampe.
Tukutōta, tukupa ntumbo.
Tutumbija Dijina Dyobe kadi tufunda
Monka mashinda obe onso.
Wi Leza wa bukomo, Moloke, mwinē byonso.
Wi wa ñeni kadi wa buswe.
Shi twijibe kulonga, bibi bya ino ntanda
Tukapalwa mpalo mivule.
2. Wetuswele bininge, Pa kutuma Mwanobe;
O mwanda netu tukuswele.
Yesu wākutumbije Kadi wētufundije,
Wētusokwela buswe bobe.
Kutupu buswe bungi Butabukile bwandi.
Wēpānine kukūla bangi.
I dishinda dya būmi shi tulonda madingi
Ne kusanswa bukumbi bwandi.
3. Tusapule bubine. Tulamate Bulopwe,
Tupyasakenei mu mwingilo;
Buswe bwikale netu, Tukwashe banabetu,
Tulonge biyampe ku bonso.
Twingidilei pamo Buswe bumweke konso
Amba bine tulonda Yesu.
Twingidilei nyeke tumweno twa Bulopwe,
Tutendelwe biyampe netu.