Lwimbo 68
Lusa lwa Leza
1. Bene Kidishitu bonso
I ba lusa ne kanye.
Ku banababo ne beni,
Balombolanga buswe.
Yesu wānene’mba
Mufwaninwe kwisanswa.
Wāletele kifwa.
Dyese ku ba kwivwana!
2. ‘Mwine Samadia wādi
Wenda dya ku Yediko.
Wātene Muyuda wādi
Mutapwe ngitu yonso.’
Wākwasha mutapwa
Pampikwa mfwatakani;
Buswe bwāpandija
Muntu wa muzo ungi.
3. Mukwetu i muntu yense
Ulomba kukwashibwa.
Yehova uswele bonso,
Wibapa mvula, dyuba.
Wa kanye ne lusa!
Ye mulunda muyampe,
Wa buswe bukata.
Ye Kifwa, tumulonde.
4. Kudi kitatyi kya kupa
Bantu netu bukwashi.
Būmi bwa nyeke kyo kintu
Kisakibwa kobadi.
Twibasapwilei
Musapu wa Bulopwe
Mwanda wa Yehova
Ebesele madyese.