Lwimbo 177
Tufwaninwe Kwikala Bantu ba Muswelo’ka?
1. Tulamei mu ñeni difuku dya Leza.
Kudi Yehova ne Yesu tutei mityima.
Bufuku kekukya, mwinya kewiya.
Ntanda ya Satana ikatukila.
Tudyumuke ne kwipāna mu milombelo.
Ayo idi na mvubu, itupa bukomo.
Tulombe Leza na muya wetu onso.
Uketwesela, ne kwitupa ndoe, tusepo.
2. Nsangaji ne ndoe yandi kebikapupo.
Pano tudi kibandilwa kya bantu bonso.
Le twikale bantu ba muswelo’ka
Mu mwiendelejo ne mu bilongwa?
Tusapulei Bulopwe buno bwabutulwa;
Milao ya diulu dipya ne ntanda mipya
Mukekala nyeke ndoe ne boloke.
Twingile uno mwingilo na bupyasakane.
3. Twiendejei bu bantu bajila ba Leza,
Tulamate ku bijila byandi bitōka.
Yesu wētutōkeje bubi bwetu,
Wētupa ne ndoe ya Leza wetu.
Twikale nyeke batōka, bampikwa biko,
Mwanda Leza wetupe batwe bwanapabo.
Tupwanei nandi ne kumulamata.
Uketwesela shi tulonde andi mashinda.