KIPINDI 6

I Ñeni’ka Yotuboila ku Dilobe Dikatampe?

Leza wāonakenye babi, ino wāpandija Noa ne kisaka kyandi. Ngalwilo 7:11, 12, 23

Safini ilela, bantu babi badi panja, ino bamwikeulu babi abavūla imbidi yabo ya ngitu

Mvula wānokele mafuku 40 dyuba ne bufuku, kadi mema āyula ntanda yonso. Babi bonso bāfwa.

Bamwikeulu bantomboki bāvūdile ngitu ya bu muntu bāikala ke bademona.

Noa, kisaka kyandi, ne banyema abatambe mu safini kadi nkongolo wamweka mūlu

Boba bādi mu safini bāpandile. Inoko mwenda mafuku, Noa ne kisaka kyandi bāfwile, Leza ukebajokeja ku būmi na lukulupilo lwa kwikala’ko nyeke ne nyeke.

Leza usa konakanya monka babi ne kupandija bayampe. Mateo 24:37-39

Satana ne bademona bengidija miswelo mikwabo pa kongola bantu

Satana ne bademona bakyendelela kongola bantu.

Pamo’nka na mokyāikadile mu mafuku a Noa, bavule dyalelo bapelanga bwendeji bwa buswe bwa Yehova. Panopano ponka Yehova usa konakanya babi bonso.—2 Petelo 2:5, 6.

Batumoni ba Yehova basapwila mwana-mulume; mwana-mulume utanga Bible

Bantu bamo badi bwa Noa. Batejanga Leza ne kulonga byanena; bano bantu i Batumoni ba Yehova.