Dilobe Dikatampe​—I Ani Wātejeje? I Ani Kātejejepo?

Bantu bavule mu kitatyi kya Noa bādi balonga bibi. Ngalwilo 6:5

Ba Adama ne Eva bābutwile bana, enka nenki bantu bāvula pano pa ntanda. Mu kine kitatyi’kya, bamwikeulu bamo bēlungile ku butomboki bwa Satana.

Bāiya pano pa ntanda ne kuvwala imbidi ya bantu mwanda wa kusonga bana-bakaji. Bana-bakaji bābutwile batumpangala ba bukalabale ne bukomo.

Ntanda yāyudile bantu balonga bibi. Bible unena amba: “Bubi bwa bantu byo bwadi ke bwa ntanda ne miseke panopantanda; kadi’mba ne kufwatakanya konsololo’tu kwa kuvuluka kwa mityima yabo kwadi bubi bonka bonka nyeke.”

Noa wātejeje Leza ne kulonga safini. Ngalwilo 6:13, 14, 18, 19, 22

Noa wādi muntu muyampe. Yehova wāsapwidile Noa amba usaka konakanya babi ku dilobe dikatampe.

Kadi Leza wāsapwidile Noa asonge bwato bukatampe, bwitwa bu safini, ne kutweja’mo kisaka kyandi ne banyema ba miswelo yonso.

Noa wādyumwine bantu ku Dilobe dyadi dya kwiya, ino kebātejejepo. Bamo bādi bamusepa na kibengo; bangi nabo bāmushikwa.

Safini pa kupwa, Noa wātweja’mo banyema.