MWA KULONGELA BANA BA BWANGA
KIFUNDWA 12
Kankamana
Musoñanya: “Māni ne ensense bisangajanga mutyima; mo mwikadile ne bulunda buyampe butamba ku madingi ampikwa budimbidimbi.”—Nki. 27:9.
Byālongele Yesu
1. Tala VIDEO, nansha kutanga Mako 10:17-22. Kupwa londolola bino bipangujo:
Lelo i ngikadila’ka miyampe padi yāmwene Yesu mudi uno mulopwe nsongwalume?
Mwanda waka Yesu wādi usakilwa buswe ne bukankamane pa kudingila uno muntu?
Ñeni Yotuboila Kudi Yesu
2. Tunenwe kwisamba na buswe kadi patōkelela na boba botwifunda nabo pa kusaka’mba bendelele ku mushipiditu.
Iula Yesu
3. Kwasha owifunda nandi etungile bitungo ne kufikila’po.
Ingidija kakipindi “Witungile Kitungo” kadi mu kifundwa ne kifundwa kya dibuku Ikala Mūmi Nyeke!
Kwasha owifunda nandi ayuke byanenwe kulonga pa kufikila pa bitungo bityebitye ne bikatampe.
Fwija’ko kyaba kyonso omwifunda nandi pa kwendelela kwandi.
4. Jingulula bijika bimulengeja akomenwe kwendelela, kadi mukwashe ebinekenye.
Wiipangule amba:
‘Shi onefunda nandi kendelelapo kufika ne kukubatyijibwa, le i bika bimujokeja kunyuma?’
‘Le i bika byombwanya kulonga mwanda wa kumukwasha?’
Lomba Yehova akupe bukankamane bwa kwisamba nandi patōkelela kadi na buswe pa byafwaninwe kulonga.
5. Imika bifundwa kebyendelelapo.
Jingulula shi kifundwa kyobe kyendelelanga na kwiipangula’mba:
‘Le onefunda nandi wingidijanga byaefunda?’
‘Lelo utanwanga ku kupwila ne kusapwila bantu bakwabo byaefunda?’
‘Pa kupwa kwifunda mu kitatyi kampanda, le usakanga kwikala Kamoni wa Yehova?’
Shi owifunda nandi kasakepo kwendelela:
Mwipangule akulombole bine bimulengeja padi akomenwe kwendelela.
Mushintulwile na bunwa kine kyokoimikila kifundwa.
Mulombole byanenwe kulonga kumeso kwa kushilula kwifunda nandi monka.