“Mikendi Ya Ndoe Ya Leza”—Kitango Kya Distrike 1996
1 Umbukata mwa bantu 265750 batenwe mu 1995 ku Kitango kya distrike “Batendedi Bansangaji” mu mwaba wetu, bavule balombwele kufwijako kwabo kutala pa milangwe ipāna bukomo bwa kumushipiditu. Mityima yetu yādi miyule nsangaji pa kumona bana-babwanga 4318 baikele kubatyijibwa mwanda wa kulombola kwipāna kwa bu-muntu bwabo kudi Leza. Twasangele potwatambwile mikanda ibidi impya, Les Témoins de Jéhovah et l’instruction ne Buyuki Butwala ku Būmi Bwanyeke. Byotwamwenine ku mwaka wapityile mu mpangiko ileta bukankamane, kino kifwaninwe kwitukunka ku mutyima tulonge bukomo bwetu bonso mwanda wa tukatanwe ku kitango kya distrike 1996 “Mikendi ya Ndoe ya Leza.” I kiyampe nanshi batwe bonso tukete boba botwifundanga nabo Bible. Kino kitango kikekalanga nsulo mikatampe ya bukankamane ya kwitupa bukomo kumushipiditu, ku umo ne umo wa umbukata mwetu usaka kwingidila Yehova na nsangaji mu ano mafuku akumfulo.
2 Witeakanye biyampe kumeso kwa kitatyi mwanda wa kukatanwa ku ano mafuku asatu a ano masobo malumbuluke a kumushipiditu, kushilwila ku lwimbo lwa ñanjilo kutūla ne ku milombelo yamfulo. Kitatyi kyomukakwata mpangiko mwanda wa kukatanwa ku kino kitango, lombolai mutyima wa buswe na kulanguluka ku boba basaka bukwashi, nakampata boba bapya mu kusangela bubinebine, mwanda wa bakatanwe ku bipindi byonso. Kikekala kya mvubu bininge mukabandaule myanda idi mu kino kipindi kya ntentekelo na boba bomwifundanga nabo Bible beteakanya kukatanwa ku kitango. (Ngal. 6:6, 10) Mu dyabutano, kitango kikashilula na mijiki na 9 h 30 ne kikafula ku ma 4 h 30. Dyamposo, kikashilula mu 9 h 30 ne kikafula ku ma 4 h 30, kubadilamo lwimbo ne milombelo yamfulo. Kupwila kwa mu dyayenga lubanga kukashilula na 9 h 30, ne kitango kikafula ku ma 4 h. Ino misapu ikemukwasha mu kwiteakanya kwenu.
3 Pavule ku majibo kukashikatwa i kwa bana betu kampanda. Tukalombola kufwijako ku bano batutu ne bakaka baketabija kwitulama mu bikalo byabo. Ino, kikekala kyakubulwa koloka shi boba bakatundailwa namino bakonakanye buntu bwa bana betu na kukimba bakebalame mafuku mavule kumeso ne kupwa kwa kitango. Kupāna kwa majibo a kufikilako bēni akapānwa enka mu KITATYI kya kitango. Boba bakalamwa mu uno muswelo bafwaninwe kulemeka bintu bya boba bakebatambula, ne kuleka konakanya kantu nansha kamo, ne kuleka kwenda mu byaba mokebetyilwepo, ne kutá mutyima monka mwanda wa babo bana bakalongele monka. Shi balelañani i batanwe na makambakano kampanda atala pa uno mwanda, bafwaninwe ponka na ponka kuyukija mwingilo wakupāna majibo, bakekala na nsangaji ya kwibapa bukwashi.
4 Basapudi bamo-bamo pamo ne babo bana, badi na bisakibwa byapabula; kitufwaninwe nanshi kulombola kisanso kobadi. Kipwilo kyonso, ne nakampata bakulumpe, bafwaninwe kutá mutyima wa kutundaila bano bantu, kebafwaninwepo kushila kiselwa enka ku badi mu mwingilo wa kupāna majibo a kufikilamo bēni ku kitango. Bakulumpe nansha bantu bakwabo ba mu kipwilo bayukile ngikadilo yobadimo bakokeja kulombola buswe na kwibakwasha mokifwaninwe. Kino pavule kilomba basapudi kutá mutyima ku bisakibwa bya bengidi ba kitatyi kyonso, bya bantu batame, nansha babulema ne bikwabo. Kimfwa, tukokeja kwibakwasha na kwibatwala nansha na kwibakwatakanya mu miswelo mishileshile.—Yak. 2:15-17; 1 Yoano 3:17, 18.
Boba Bakatanwa ku Kitango Kikwabo
5 Mu bitatyi bivule, kitango kyoityilwe kukatanwako, i kyokya kidi pabwipi na kikalo kyobe. Mpangiko i miteakanyibwe kukwatañana na bungi bwa bifuko, bwa mabuku, bwa bidibwa, bwa majibo akatambula bēni, ne bikwabo na kuyuka’mba basapudi bavule bakatanwanga ku kitango kyokya kyobetyilweko. Ino, shi pamwanda wa buluji kabidye bukwabo bwamvubu bukulomba ukatanwe ku kitango kikwabo, udi na bwanapabo bwa kwikilonga.
Kwingidila Kobe Pamo Kudi na Kamweno Kakatampe
6 Mwendelo muyampe ne mushikatyije wa Mwingilo wa Kupāna Majibo Akufikilako Bēni ulondanga mungya kwingidila pamo kwa umo ne umo na uno mwingilo. (Bah. 13:17) Omwanda nanshi tubalombe ku bonso mwanda wa kwingidila pamo na Mwingilo wa Kupāna Majibo Akafikilako Bēni utudilweko na Sosiete. Namino, tukatyepeja makambakano otutanwanga nao.
7 Kitatyi kyotwiteakanya mwanda wa kitango kya distrike 1996, “Mikendi ya Ndoe ya Leza,” mu kisense na batutu ne bakaka, tulangulukei monka ku bukwashi bwa kungitu ne bwa lupeto botukokeja kupāna ku bulongolodi bwa ano masobo a kumushipiditu! Pamo’nka na mwekilongedile bene Isalela ne bakristu babajinji, ketukyendaiko makasa bitupu mhm.—Kup. 16:16, 17; 2 Kod. 8:12.
MAFUKU BIFUKO BIPINDI BITYILWE
05-07 kweji 7 Kinshasa (F) KIN-4, KIN-7, KIN-10
12-14 kweji 7 Kinshasa (LI-1) KIN-1, KIN-3, KIN-8, KIN-12, KIN-13
Kananga KA-1, KA-14, KA-18, KA-19, KA-28, KA-30
Bujumbura/Uvira KI-8, BU-1, BU-2, BU-3
Malemba Nkulu S-8, S-9, S-10, S-14, S-16
19-21 kweji 7 Kinshasa (LI-2) KIN-2, KIN-5, KIN-6, KIN-9, KIN-11
Bukavu KI-1, KI-11, KI-12
Ilebo KA-10, KA-15, KA-21, KA-29
Mbuji-Mayi KA-2, KA-5, KA-13, KA-16, KA-17, KA-20, KA-25
Butembo KI-5, KI-7, KI-9, KI-10
26-28 kweji 7 Bunia HZ-4, HZ-12
Matadi BZ-1, BZ-2, BZ-5, BZ-8
Kasongo Lunda B-7, B-13, B-17
Mbandaka E-2, E-7, E-16, E-17, E-23, E-24
Goma KI-2, KI-6
Mwene-Ditu KA-3, KA-8, KA-9, KA-24
02-04 kweji 8 Brazzaville CO-1, CO-4, CO-5, kipindi kya CO-7, kipindi kya CO-8
Lubumbashi S-1, S-2, S-13, S-17, S-20
Bandundu B-1, B-10
Gemena E-1, E-14, E-18
Isiro HZ-2, HZ-6, HZ-13, HZ-17, HZ-18
Mbanza Ngungu BZ-3, BZ-4, BZ-6, BZ-7
09-11 kweji 8 Kenge B-3, B-9, B-21
Pointe-Noire CO-2, CO-6, kipindi kya CO-8
Kolwezi S-3, kipindi kya S-5, kipindi kya S-15
Nioki B-4, B-6, B-14, B-15
Gbadolite E-5, E-9, E-19
Kisangani HZ-1, HZ-5, HZ-7, kipindi kya HZ-9, HZ-10, HZ-14, kipindi kya HZ-16
16-18 kweji 8 Sandoa kipindi kya S-5, S-21
Kongolo KI-4, kipindi kya S-18
Kikwit B-2, B-5, B-8, B-16, B-19, B-20, B-22
Buta HZ-8, HZ-11
Lisala E-8, E-11, E-21
23-25 kweji 8 Ouesso CO-3, kipindi kya CO-7
Bumba E-4, E-12, E-15, E-20, E-22, HZ-3, HZ-15
Moba S-11, S-12, kipindi kya S-18, S-19
Boende E-3, E-6, E-10, E-13, E-25, E-26
30 kweji 8- 01 kweji 9 Kamina S-4, S-6, S-7, kipindi kya S-15
Tshikapa KA-6, KA-22, KA-23
Kindu KI-3, kipindi kya HZ-9, kipindi kya HZ-16
Lodja KA-4, KA-7, KA-11, KA-12, KA-26, KA-27
27-29 kweji 9 Mukedi B-11, B-12, B-18, B-23
[Binenwa bya Kifwatulo pa paje 4]
[List of Assemblies on page 4]
Kitango Kya Distrike 1996