Misapu

◼ Mabuku akapānwa mu kweji 1: Bible: Traduction du monde nouveau ne Biblia​—⁠Neno la Mungu au la Binadamu? Kweji 2: Dibuku dyo-dyonso dya mapaje 192 dyālupwilwe kumeso kwa mwaka wa 1985 ditanwa mu kibīko kya kipwilo. Byobya bipwilo kebidi na ano mabuku mu kibīko bikapāna dibuku Ukokeja kwikala ne būmi bwanyeke mu Paladisa pano pantanda. Kweji 3: Ufunuo​—⁠Upeo Wao Mtukufu U Karibu! Kweji 4: Buyuki Butwala ku Būmi Bwanyeke. Tulongei buninge bwa pa bula tushilule bifundwa bya Bible.

◼ Bipwilo bifwaninwe kushilula kulomba mavolime reliye a mu 1997 a Kiteba kya Mulami ne Amkeni! pa Fomu wa Kulomba kwa Mabuku. Mavolime adi’ko i a mu Angele, Falanse ne Kimputulukeshi. Mavolime reliye i mabuku atumwanga’nka na kulomba kwa pa bula.

◼ Lubalo lwa pa kipwilo lukabandaulwa mu difuku 1 kweji 3, nansha kinondanonda na dino difuku, na mutadi mwimaniji nansha na muntu wakatonga. Kupwa mukayukija kipwilo kuno kubandaulwa.

◼ Mu 1999, Kivulukilo kikalongwa dyabuná difuku 1 kweji 4, kupwa kupona kwa dyuba. Kyotwemuyukijija dino difuku kumeso kwa kitatyi i mubadikile kukwatyila bifuko nansha mobo; ku boba badi na bipwilo bivule bingidijanga Njibo ya Bulopwe imo, kino kikebapēleja kutana mobo makwabo mwa kukalongela Kivulukilo pa kine kyaba’kya. Bakulumpe bafwaninwe kutambula lupusa ku bene bemanine kifuko’kya kutyina’mba kwakekala mwanda kampanda wa kuvutakanya Kivulukilo. Uno byoudi mwanda mukatampe, kitango kya bakulumpe kikatonga umo wa mu bakulumpe babwino wa kunena kishinte kya Kivulukilo, kupita’ko kwitonga enka momwilondela umo ne umo, nansha kwingidija enka tutu umo mwaka ne mwaka.

◼ Musambo wa France utampanga musunsa umo ku mwaka, mafomu a mwaka mutuntulu, mwendele kulomba kwetu ne kukwatañana na buvule bwa basapudi. O mwanda tubavuluja bipwilo bikale kulea senene mafomu obidi nao mu kibīko, kutyina’mba akapwa kumeso kwa kutuminwa makwabo. I kutupu kulomba mafomu pa bukata bwa mwaka, poso enka bipwilo bipya kete. Muswelo wa Kwingidija Mafomu Enu Afike ku Mfulo kwa Mwaka:

◆ A Kwingidija Yenga ne Yenga: M-1, M-101, M-203, S-24. Tuminai Bilo kopi wa pangala kete; kopi wa munshi ushalanga mu madoshe a kipwilo. Keakatumwepo onso abidi pamo. Ma S-8, S-48, S-61a, S-61b ne S-88 akokeja kwingidijibwa yenga ne yenga, ino keatumwangapo ku Bilo. Ashalanga pa kipwilo.

◆ A Kwingidija Musunsa Umo ku Kweji: S-14, S-20. Ne ano nao monka na monka, i kopi umo ye utumwanga ku Bilo, kopi wabubidi walamibwa mu madoshe a kipwilo. Ino ma S-3, S-4, S-26, S-28, S-30 ne S-89 adiñwanga kweji ne kweji, pambulwa kwiatuma ku Bilo. Kipwilo ne kipwilo kikatambula ma S-1 dikumi ne asatu a pa mwaka mutuntulu. Umo ne umo udiñwanga kweji ne kweji ne kutumwa ku Bilo. S-1 kashibwangapo kopi pa kipwilo. Mukokeja kudinga pa kyaba kya kopi yandi ma S-21 asatu: 1 wa mingilo ya basapudi, 1 wa bapania bakwashi, 1 mukwabo wa bapania ba lonso.

◆ A Kwingidija na Dimodimo: M-202, S-12, S-13, S-19, S-9.

◼ Shi kubaikala kilubo pa kudinga fomu, i kiyampe mwikilemunwine’nka pa mwine fomu’wa. Mafomu keafwaninwepo kwingidijibwa bu tukanda nansha bu kyalamunwa. Bipwilo kebyatambwile mulwi wa mafomu a mwaka mutuntulu tubebilombe bitūkije mutyima. Bikatuminwa’o panopano ponka.

[Binenwa bya Kifwatulo pa paje 2]

Kupwila Kwa Mingilo Kwa Mu Kweji Wa Dikumi Na Tubidi

Yenga Ushilula 7 Kweji 12

Lwimbo 186

Min 10: Misapu imutala. Misapu itala Mwingilo Wetu wa Bulopwe.

Min 15: “Tufwaninwe Kwibapempula Kitatyi ne Kitatyi.” Na bipangujo ne malondololo. Shintulula mu kīpi kisonekwa kya Ezekyele 3:​17-19, koma kiselwa kyetu kya kwendelela na kwela lubila lwa musapu wa kidyumu.

Min 20: “Tupānei Bible Traduction du monde nouveau.” Tutu wisamba na basapudi babwino babidi nansha basatu. Tweja’mo ne myanda mifwaninwe yokasela mu dibuku “Kila Andiko,” paje 327-331. Longeja kyakumwenako kilombola mwa kuponejeja mabuku a kupāna mu Kweji 12, wisambile ne pa byabuntu.

Lwimbo 176 ne milombelo ya mfulo.

Yenga Ushilula 14 Kweji 12

Lwimbo 206

Min 10: Misapu imutala. Lapolo wa mukōlo wa pa kipwilo. Leta madingi alombola mwa kulondolwela na manwa ku lwimu lwa luñanyañanya lwa mafetyi a ku mfulo kwa mwaka. Shi mu kibīko kya pa kipwilo kyenu mukitanwa dibuku Mtu Mkuu Zaidi nansha dibuku Mufundiji Mukatampe, nabya lombola moakokeja kwingidijibwa biyampe mu mwingilo mu konje wa Noele. Lombola mpangiko ya pa bula ya busapudi ikalondwa mu difuku dya 25 Kweji 12 ne mu difuku 1 Kweji 1.

Min 15: “Batadi Betuludika​—⁠Mwendeji wa Kifundwa kya Kiteba kya Mulami.” Kishinte na mwendeji wa Kifundwa kya Kiteba kya Mulami. Ushintulula biselwa bimupelwe ne kulombola muswelo ukokeja bemvwaniki bonso kulonga kifundwa kikale kiloe, kifundija, ne kyūbaka kumushipiditu.​—⁠Tala dibuku Huduma Yetu, paje 67.

Min 20: “Bakokeja Kwitumona Amba Twi Beshile.” Mukulumpe wisamba na kisumpi kya basapudi. Lombola mu kīpi ngikadilo ne ngikadilo itumwekejanga bu bantu beshile na bakwabo. Lombola patōka mwa kwingidijija kuno kwishila kotwishidile nabo mwanda wa kuludikila bantu basepelela musapu ku bulongolodi, kwibalombola bubinebine mobulupwilanga ngikadilo ya bwine Kidishitu ku boba bebulonda mu būmi bwabo.

Lwimbo 146 ne milombelo ya mfulo.

Yenga Ushilula 21 Kweji 12

Lwimbo 163

Min 8: Misapu imutala. Shi kipwilo kyenu kisa kushinta mpangiko ya kitatyi kipwilwanga pa kushilula mwaka mupya, nankyo kankamika bonso ne kwibalombola bashilule kutanwa ku kupwila kitatyi ne kitatyi. Lombola basapudi bayukije kuno kwalamuka konso ku bantu botwifundanga nabo Bible ne bantu bakwabo basepelela musapu. Kankamika basapudi bonso balame senene makopi a Mwingilo Wetu wa Bulopwe ebapebwa, nakampata dyani dya ntentekelo. Mwanda tubwanya kunyemena’ko mu mafuku āya kumeso. Vuluja banabetu bonso basele dyani dya ntentekelo dya Mwingilo Wetu wa Bulopwe wa Kweji 1, 1999 ku Kupwila kwa Mingilo kwa mu yenga ulonda’ko.

Min 12: Bisakibwa bya pa kipwilo.

Min 25: “Tushimikei Būmi Bwetu pa Mwingilo wa Yehova.” Na bipangujo ne malondololo. Ipangula mwanetu nkunga ne mutwe wa kisaka batambilanga yenga ne yenga mu busapudi pa mwanda wa mpangiko miyampe yobetūdīle. Wibepangule balombole mpangiko yobakwete ya kutangidija tumweno twa kumushipiditu kumeso.

Lwimbo 119 ne milombelo ya mfulo.

Yenga Ushilula 28 Kweji 12

Lwimbo 178

Min 10: Misapu imutala. Vuluja bonso batūle lapolo wa mwingilo wa mu Kweji 12. Lombola mabuku a kala alupwilwe kumeso kwa 1985 akapānwa mu Kweji 1. Kankamika basapudi basele’o mwa kupānina’o ku mfulo kwa uno yenga.

Min 10: “Tumwenei Kamweno ku Masomo a Mwingilo wa Kiteokratike a mu 1999.” Kishinte na mutadi wa Masomo a Mwingilo wa Kiteokratike. Nena basapudi bamobamo balombole byabuyabuya byobamwena mu kulonda kobalonda yenga ne yenga “Mpangiko ya Butangi bwa Bible bwa Ntentekelo.” Kankamika bonso batange Kinenwa kya Leza difuku ne difuku.

Min 25: “Witeakanye mwa Kukataninwa ku Kitango kya Distrike kya 1999.” Mulembi upityija mwisambo na bipangujo ne malondololo wimanine pa dyani dya ntentekelo dya Mwingilo Wetu wa Bulopwe wa Kweji 1, 1999. Koma misoñanya ya mu Bible itulomba kulonda madingi apāna Sosiete pangala pa bifikilo. Fwija’ko banabetu mwanda wa kulonda kobalonda mpangiko ya Sosiete.

Lwimbo 195 ne milombelo ya mfulo.