Myanda Itala Mwingilo Wa Leza

Congo-Kinshasa: Pano twafikile pa kibalwa kipya kya basapudi 104 815 mu kweji 9, ko kunena’mba kudi kwilundila’ko kwa basapudi 17 pa katwa ku mwayene wa mwaka wapityile’u. Mu kweji 9, mukaja mutadi wa distrike umo waponeje mabuku 1 000 ne musubu mu kampanye ka kwenda kuponeja mabuku.

Liberia: Bilo bya musambo wa mu Monrovia byashitwilwe dipya mu difuku 1 kweji 9, tamba kasha bishitwa myeji 15 mituntulu pa mwanda wa divita dya ba kibundi na ba kibundi. Mu kweji 9, kibalwa kipya kyadi kya basapudi 1 977.

Mozambike: wafikīle pa kibalwa kipya kya basapudi 28 005 mu kweji 9. Kibalwa kyamfulo, kyafikīlwe’po mu kweji 5, 1975, kyadi kya basapudi 25 790. Bine dino i ditabula dikatampe mu mānga ya kiteokratike ya Mozambike.

Népal: Mwadi basapudi 306 mu kweji 9, kino i kibalwa kipya. Pano mwendejibwanga kubwipi kwa bifundwa bya Bible 500.

Sainte-Hélène: I babanye’mo Misapu ya Bulopwe No. 35 ku bisaka byonso bya mu kino kisanga.

Matanda mavule i mashilule uno mwaka wa mwingilo na bibalwa bipya bya basapudi, kino kilombola kwilundila’ko kwa basapudi 5 pa katwa shi tudingakanye na mwayene wa mu mwaka wapityile’u: Hong Kong, 4 230; Madagaskar, 8 749 (kubadila’mo ne kibalwa kya bapania balonso 912); Taïwan, 3 497.