Sangalai mu Lukulupilo Lwenu

Lukulupilo ludi pamo bwa ñanga. (Bah 6:19) Lwitukwashanga tuleke kulobela ku mushipiditu po tulwa na bivula bya tulunga twa mema. (1Tm 1:18, 19) Bivula bya tulunga twa mema bikokeja kwikala kutyumukwa mutyima, kujimija bintu bya ku ngitu, misongo ya zenzeka, lufu lwa muntu oswele nansha ke kintu kikwabo kyo-kyonso kitūla bululame bwetu pa ditompo.

Lwitabijo ne lukulupilo bitukwashanga tumone biyampe mpalo itulailwe. (2Ko 4:16-18; Bah 11:13, 26, 27) O mwanda nanshi, twikale na lukulupilo lwa kwenda mūlu nansha lwa kwikala pano pa ntanda, tufwaninwe kwiludisha kyaba ne kyaba na kulangulukila pa milao isonekelwe mu Kinenwa kya Leza. Nabya, kitatyi kyotutanwa na matompo, tukapēlelwa kulama nsangaji yetu.​—1Pe 1:6, 7.

TALA VIDEO INENA’MBA: SANGALAI MU LUKULUPILO, KUPWA LONDOLOLA KU BINO BIPANGUJO:

• Mwanda waka Mosesa i kimfwa kiyampe kya kwiula?

• Le i kiselwa’ka kidi na mitwe ya bisaka?

• Le i mitwe ya myanda’ka yo mubwanya kwisambila’po mu Butōtyi bwa Kisaka?

• Le lukulupilo lukakukwasha namani ulwe na matompo na kikulupiji?

• Le i bika byotengele kwimwena?