Madyese Eselwa Boba Bakwasha Bantu Basakilwa Bukwashi

Bantu bavule kujokoloka ntanda yonso basakilwa byakudya ne mwa kwikala. Bamo nabo basakilwa’tu lukulupilo lwa mu mafuku a kumeso. Le bukomo botulonga bwa kukwasha bano bantu bukalengeja Leza etwitabije ne kwitwesela?

BINENA BISONEKWA BIJILA

“Yewa ufwila mupēlulwe lusa wapujanga Yehova, Aye nandi ukamulubwilanga pa byobya byalonga.”​—NKINDI 19:17.

MUSHINTULWILA KUKWASHA MUNTU USAKILWA BUKWASHI

Yesu wāletele kyelekejo kya muntu wākupilwe na batubwalāla bāmushiya mupungile. (Luka 10:29-37) Mweni umo muyampe wāimana, wākwasha uno muntu mutapwe bilonda. Wāmukweshe nansha byakādipo wa kabila kabo.

Uno muntu muyampe kāpelepo muntu mutapwe bilonda enka lawa ne bintu bya ku ngitu, ino wāmusengele ne kumukwasha eivwene biyampe.

Le i ñeni’ka yotuboila ku kino kyelekejo? Yesu wālombwele amba tufwaninwe kukwasha boba basakilwa bukwashi mwendele bukomo bwetu. (Nkindi 14:31) Bisonekwa Bijila bifundija’mba, panopano ponka Leza usa kutalula’ko bulanda ne masusu. Inoko tubwanya padi kwiipangula’mba, lelo Leza ukebitalula’ko namani ne kitatyi’ka? Kishinte kilonda’ko kikesambila pa madyese akubikīle Umpangi obe wa buswe.