Tulumbululei Manwa Etu mu Mwingilo—Na Kutwela pa JW.ORG

KYO KWIKADILE NA MVUBU: Dibuku dyonso dya mu Mabuku Otwifundanga’mo na Bantu ditumanga pa jw.org. Na bubine, kitungo kinekine kya kalata ka bupempudi ne trakte I Kwepi Kotukatana Malondololo ku Bipangujo bya Mvubu mu Būmi? i kya kulombola bantu diteba dyetu. Ubwanya kupāna dibuku dya mu Mabuku Otwifundanga’mo na Bantu na kwingidija jw.org pa kumutumina’dyo muntu mu bingidilwa bya busendwe, nansha kumutumina kashinda ka kutwela’po. Kino kidi na mvubu nakampata shi usapwila muntu wisamba ludimi lweni. Kadi bantu bakōkeja kwipangula bipangujo bilondolwelwe mu bingidilwa byetu bikwabo bilupwilwe, inoko kebilondolwelwepo mu Mabuku Otwifundanga’mo na Bantu. Shi tutwela pa diteba dyetu, nabya tubwanya kwikala basapudi ba bwino.

MWA KUTWELELA’PO:

• 

  Ingidija kakipindi “BIBLE NE ABE.” Kimfwa, shi usapwila mbutwile umo, mwine usaka kuyuka mwa kulelela bana. Ubwanya kutwela mu BIBLE NE ABE > BUSONGI NE KISAKA.

• Ingidija kakipindi “BILUPWILWE.” Kimfwa, shi usapwila mukwenu wa ku masomo bya kiponka na ponka, ino kosake kumupa boloshile Bipangujo 10 bya Bankasampe Bibalondololwa. Twela mu BILUPWILWE > MABUKU NE MABOLOSHILE.

• Ingidija kakipindi “MYANDA ITUTALA.” Kimfwa, shi usapwila mukwenu wa kukaji mwine usaka kutanga mu kīpi nkulupilo yetu. Twela mu MYANDA ITUTALA > BIPANGUJO BIPANGULWANGA DIVULE.

TALAI VIDEO KUTWELA PA JW.ORG, KUPWA BANDAULAI, I MU KAKIPINDI’KA KA PA DITEBA KOMUFWANINWE KUTWELA’PO MWANDA WA KUKWASHA:

• muntu utuna kwikala’ko kwa Leza

• muntu watenwe na kyamalwa

• tutu nansha kaka kakisapulangapo

• muntu o wajokela wiipangula kotulupulanga lupeto lwa kukwatakanya nalo mwingilo wetu

• muntu wa mu ntanda ingi usaka kukatanwa ku kupwila mu yabo ntanda