Kimba Tunangu pa JW.ORG twa Kukukwasha mu Myanda ya Bukile-bukya

Kinenwa kya Leza kitupanga byonso byotusakilwa pa kūminina bikoleja mu ano mafuku a mfulo. (2Tm 3:1, 16, 17) Inoko, divule dine tusakilwanga bukwashi pa kujingulula misoñanya ya mu Bible mu myanda kampanda. Kimfwa shi wi mbutwile, le usakilwa madingi a mwa kulelela bobe bana? Shi wi nkasampe, le kyaba kimo umonanga bu bikomo kukokela Yehova? Shi wi wa kishala nansha mufwilwe mukaji, le ukilēmenenwanga na bulanda bwa mwinē pobe ufwile? Shi i amo, yuka’mba pa jw.org padi misoñanya ya mu Bible ibwanya kukukwasha mu uno mwanda ne mu myanda mikwabo.​—Nki 2:3-6.

Twela pa jw.org, utoneke pa BIBLE NE ABE. (Tala kifwatulo 1.) Kupwa utoneke pa mwanda ukusangaja. Nansha kadi shi ubatwela pa jw.org, toneka pa KIBĪKO > BISHINTE PALAPALA utwele monso mosaka. (Tala kifwatulo 2.) Kadi ubwanya ne kwibitana mu JW Library.a I abe mwine wa kutonga kwa kutwela, pa jw.org nansha mu JW Library. Muswelo mukwabo i wa kulemba bishima pakukimbila patūdilwe pa jw.org.

Twela pa jw.org wende pakukimbila ulembe’po myanda idi kunshi’ku, kupwa utonge bishinte bya myanda yosaka kutanga.

• Mwa kulelela bana

• Kwialamuna

• Kufwilwa mwinē pobe