29 KWEJI 7–4 KWEJI 8
ÑIMBO YA MITŌTO 69
Lwimbo 13 ne Milombelo | Binenwa bya Ñanjilo (Mun. 1)
1. Mwālailwe Binkumenkume bya mu Būmi bwa Yesu mu Ñimbo ya Mitōto 69
(Min. 10)
Yesu wādi mushikibwe pampikwa mwanda (Ñi 69:4; Yoa 15:24, 25; w11 1/8 p. 13 mus. 17)
Yesu wādi mupyasakane mwanda wa njibo ya Yehova (Ñi 69:9; Yoa 2:13-17; w10 1/12 p. 16 mus. 7-8)
Yesu wēivwene bibi mu malango, kadi bāmupele vinyu misobakanye’mo ndulwe (Ñi 69:20, 21; Mat 27:34; Luk 22:44; Yoa 19:34; g95-F 22/10 p. 31 mus. 4; it-2-F p. 600)
LANGULUKILA PA KINO KIPANGUJO: Mwanda waka Yehova wālembeje bupolofeto butala Meshiasa mu Bisonekwa bya Kihebelu?
2. Byabupeta bya ku Mushipiditu
(Min. 10)
Ñi 69:30, 31—Le ano mavese abwanya kwitukwasha namani tulumbulule milombelo yetu? (w99 1/2 p. 16 mus. 11)
Le i byabupeta’ka bya ku mushipiditu byowasokwele mu butangi bwa Bible bwa uno yenga?
3. Butangi bwa Bible
(Min. 4) Ñi 69:1-25. (th kifundwa 2)
4. Ikala na Kitūkijetyima—Byālongele Yesu
(Min. 7) Kwisamba na Bevwaniki. Talai VIDEO, kupwa mwisambilei pa myanda idi mu lmd kifundwa 8 kakipindi 1-2.
5. Ikala na Kitūkijetyima—Iula Yesu
(Min. 8) Mīsambo īmanine pa lmd kifundwa 8 kakipindi 3-5 ne “Tala Ne.”
Lwimbo 134
6. Bisakibwa bya Penu
(Min. 5)
7. Misoñanya ya Mwa Kulongela Butōtyi bwa Kisaka bwa Kyolwa
(Min. 10) Kwisamba na Bevwaniki.
Mu Kweji 1, 2009, Kifundwa kya Kitabo kya Kipwilo kyatūdilwe pamo na Masomo a Mwingilo wa Kiteokratike ne Kupwila kwa Mingilo mu mpangiko ya kupwila kumo kete kwa mu bukata bwa yenga. Kino kyapēle bisaka mukenga wa kutūla’ko butōtyi bwa kisaka kyolwa kimo mu yenga. Bavule bafwijije’ko pangala pa ino mpangiko yatūdilwe’ko mwanda wa kwibakwasha bekale pabwipi na Yehova ne kwikala pabwipi na ba mu kyabo kisaka.—Kup 6:6, 7.
Le i misoñanya’ka imoimo ibwanya kukwasha mitwe ya bisaka, ilonge Butōtyi bwa Kisaka bwa kyolwa bwikale busangaja kadi bulongwa kitatyi ne kitatyi?
Longai’bo kitatyi ne kitatyi. Shi bibwanika, tūla mpangiko ya butōtyi bwa kisaka pa kitatyi kitūngwe yenga ne yenga. Tūla’ko ne difuku dikwabo dya kulonga’bo shi kubaikala bikoleja kampanda
Mwiteakanyei. Mwisambilei’po na obe mukaji, kadi kitatyi kimo ipangulai ne bana mobalangila. Kebilombepo kuteakanya myanda mivule nakampata shi kisaka kisangelanga kulonga bintu bimo byonka yenga ne yenga
Kwatañanya mpangiko na bisakibwa bya kisaka. Bana pobenda batama bisakibwa byabo ne bwino bwabo byendanga bishinta. Mpangiko yenu ifwaninwe kukwasha umo ne umo wa mu kisaka atame ku mushipiditu
Kwasha muntu yense eivwane biyampe kadi ekale na nsangaji. Kitatyi kimo mubwanya kwifundila panja shi mwikadila wa kūlu udi biyampe. Mubwanya enka ne kukōkolokwa’ko bityetye shi bilomba kulonga nabya, pomulonga’bo. Nansha byobidi biyampe kwisambila pa makambakano ekonda nao benu bana, kemwakingidijai butōtyi bwa kisaka mwanda wa kwibafunina nansha kwibalemununa
Anzai kushinta. Kimfwa, mubwanya kuteakanya kipindi kya ku kupwila kwiya’ko, kutala video ya pa jw.org ne kwisambila’po, nansha kwiibidija byomukanena mu busapudi. Nansha mīsambo byoidi ya mvubu mpata mu Butōtyi bwa Kisaka bwa kyolwa, kubwanya kwikala ne kitatyi kya muntu ne muntu kulonga kifundwa kya pa kasuku
Mwisambilei pa kino kipangujo:
Le mwatompele namani kwingidija ino misoñanya mu butōtyi bwenu bwa kisaka?
8. Kifundwa kya Bible kya Kipwilo
(Min. 30) bt shap. 13 mus. 8-16, kapango pa p. 105