5-11 KWEJI 8

BYABULĒME BYA MU KINENWA KYA LEZA

1. ‘Sapwila Lukongo Lwiya’ko’ Bukomo bwa Leza

(Min. 10)

Davida wēmwenine mwādi mumukingila Yehova mu bunkasampe bwandi (Ñi 71:5; w99 1/9 p. 20 mus. 17)

Davida wāmwene amba Yehova umukwatakenye mu bununu bwandi (Ñi 71:9; g04-F 8/10 p. 23 mus. 3)

Davida wādi ukankamika bankasampe na kwibabangila byaāpityile’mo (Ñi 71:17, 18; w14 15/1 p. 23 mus. 4-5)

Kisaka kibalonda binena kipindi kya yenga wapityile kinena’mba, “Misoñanya ya Mwa Kulongela Butōtyi bwa Kisaka bwa Kyolwa.” Abaite ba mulume ne mukaji banunu mu butōtyi bwabo bwa kisaka, kupwa kebebateje na nsangaji pobafunka mafoto ne kwibafumikila byokebadi bemwene.

WIIPANGULE AMBA, ‘Le i mwingidi’ka wa Yehova wa tamba kala onsaka kwipangula mu butōtyi bwetu bwa kisaka bwa kyolwa?’

2. Byabupeta bya ku Mushipiditu

(Min. 10)

Ñi 72:8—Le mulao obālaile Abalahama kudi Yehova utanwa mu Ngalwilo 15:18 wāfikidile namani mu buludiki bwa Mulopwe Solomone? (it-1-F p. 825)

Malondololo obe
Le i byabupeta’ka bya ku mushipiditu byowasokwele mu butangi bwa Bible bwa uno yenga?

Malondololo obe

3. Butangi bwa Bible

(Min. 4) Ñi 71:1-24. (th kifundwa 5)

WIIBIDIJE MWA KUSAPWILA

4. Mwa Kushilwila Mīsambo

(Min. 3) KU NJIBO NE NJIBO. Pashilula muntu kwipotomeja nobe, fudija mīsambo mu muswelo muyampe. (lmd kifundwa 4 kakipindi 5)

5. Muswelo wa Kulondelela Kusangela

(Min. 4) BUSAPUDI BWA KIPONKA NA PONKA. Endeleja mīsambo yomwashilwile na mubutule obe utatana kwifunda Bible. (lmd kifundwa 8 kakipindi 4)

6. Mwa Kushintulwila Nkulupilo Yobe

(Min. 5) Mwisambo. ijwfq 49—Mutwe wa Mwanda: Mwanda Waka Batumoni ba Yehova I Bashinte Nkulupilo Yabo Imo? (th kifundwa 17)

BŪMI BWA BENE KIDISHITU

7. Bya Kulonga mu Butōtyi bwa Kisaka

(Min. 15) Kwisamba na Bevwaniki.

Ba mu kisaka kyotwamonanga’kya, bemene befunda ñimbo ya Bulopwe.

Kisaka kitala mpangiko ya Televijo ya JW.

Mwana umo mwana-mukaji wa mu kisaka, wiibidija pamo na inandi mu Butōtyi bwa Kisaka.

Butōtyi bwa Kisaka bwa kyolwa i kitatyi kya mvubu mpata kīfundanga’mo bana ‘bulemununi ne bidyumu bya Yehova.’ (Ef 6:4) Kwifunda kekupēlangapo, ino kubwanya kwikala kusangaja nakampata shi bana bekale na kyumwa kya kusaka kuyuka bubine bwa mu Bible. (Yoa 6:27; 1Pe 2:2) Talai kapango “Milangwe ya Kwingidija mu Butōtyi bwa Kisaka.,” Kano kapango kabwanya kukwasha bambutwile balonge Butōtyi bwa Kisaka bwa kyolwa bwikale bwa kamweno ne busangaja. Kupwa mwisambilei pa bino bipangujo:

Le i milangwe’ka mu ino yomusaka kutompa kwingidija?

Malondololo obe
Le kudi kintu kikwabo kyomwamona amba kikemukwasha?

Malondololo obe

MILANGWE YA KWINGIDIJA MU BUTŌTYI BWA KISAKA

BIBLE:

Tejai mawi makwate a butangi bwa Bible bwa mu yenga, nansha kutanga bisonekwa’bya na diwi ditunduke. Mwiabilei binenwa bya bantu palapala
Teakanyai bipangujo bitala butangi bwa Bible bwa mu yenga. Muntu ne muntu atonge’po kimo ne kulongela’po bukimbi. Kupwa babwanya kwisambila pa byobasokola
Ipangula kipangujo nansha kwisambila pa mwanda kampanda, kupwa kimbai mu dibuku Bisonekwa Bikwasha Mwine Kidishitu mu Būmi misoñanya ya mu Bible ibwanya kwingidijibwa mu mwanda’wa
Kayai kipindi kampanda kya nsekununi ya mu Bible
Teakanya yenga ne yenga papye mulembe’po vese kampanda wa mu Bible. Kimfwa ubwanya kwingidija mavese adi mu mbwejo A ya mu boloshile Sanswa Bantu—Ulonge Bana ba Bwanga, kupwa tompai kukwatyila’ye pa mutwe. Pitulukai mu mapapye a mayenga apityile
Mwifundei myanda ya mu dibuku Ikala Mūmi Nyeke!
Pá ba mu kyobe kisaka mwingilo wa kwisambila pa byobasokwele mu kakipindi “Bilondololwa bya Bipangujo bya mu Bible” nansha mu kakipindi “Le Ano Mavese a mu Bible Ashintulula Bika?,” tutanwa munshi mwa kipindi BIBLE NE ABE kya pa jw.org

KUPWILA:

Teakanyai myanda ya ku kupwila kwa pa kipwilo
Teakanyai malondololo ne kupituluka’mo. Tai mutyima ku kitatyi
Mwiibidijei ñimbo ya Bulopwe
Mwisambilei pa byomukanena pa kukankamika muntu kampanda kumeso nansha pa kupwa kwa kupwila, kupwa mwiibidije’byo
Yewa udi na kipindi kya bana ba masomo kya kupityija panopano apituluke’mo kumeso a ba mu kisaka

BUSAPUDI:

Mwiteakanyei bitala busapudi bwa ku njibo ne njibo
Mwiteakanyei bitala kujokela’mo
Fwatakanyai musapwilo kampanda wa kiponka na ponka, kupwa mwiibidije’o mwa kushilwila mīsambo bya bulunda
Langulukilai pa bitungo bipotoloke bya kutandabula mwingilo wenu mu kitatyi kya Kivulukilo nansha mu kitatyi kya konje ya ku masomo nansha ya ku kaji

BISAKIBWA BYA KISAKA:

Mwiibidijei bya kulonga mu mwanda kampanda walongekele nansha ubwanya kulongeka, kimfwa mwanda utala kuleka kwikupa ku mutamba o-onso, kufutululwa, kwinangila nansha mafetyi
Mwishintei mingilo. Bana bateakanye mwanda kampanda, kupwa balangulukile’po na bambutwile babo

MILANGWE MIKWABO:

Talai mpangiko ya Televijo ya JW ne kwisambila’po
Tangai kishinte nansha kutala video ya pa jw.org, kupwa mwisambile’po
Bandaulai myanda ya mu kakipindi “Bankasampe” nansha “Bana,” tutanwa munshi mwa kipindi BIBLE NE ABE pa jw.org
Jokelai mu myanda yomwalembele ku kitango
Bandilai bupangi nansha kulonga bukimbi pa myanda kampanda ya mu bupangi, kupwa mwisambile pa byobwimufundija padi Yehova
Na dimodimo itai muntu āye atanwe nenu mu butōtyi, ne kumwipangula
Mwitungilei bitungo bya ku mushipiditu, ne kwisambila pa muswelo omubwanya kufikila’po
Pungai kintu kampanda pamo, kimfwa safina ya Noa, nansha kwifunda kifwatulo nansha kalata ka mu Bwalamuni bwa Ntanda Mipya

Talai VIDEO, Lumbulwilai’ko Butōtyi Bwenu bwa Kisaka. Kupwa ipangula bevwaniki amba:

Le mulume ubwanya kulonga bika pa kusaka amba butōtyi bwa kisaka bwalonga pamo na wandi mukaji bwikale buyampe kitatyi kyokebadipo na bana ku njibo?

Malondololo obe

8. Kifundwa kya Bible kya Kipwilo

(Min. 30) bt shap. 13 mus. 17-24