Le Malezo a Mīsambo Abwanya Kōna Obe Mwana?—⁠Bukwashi bwa Bible ku Bambutwile

“Misongo ya kujinwa ñeni pano isusulanga bininge bankasampe. Malezo a mīsambo abadilwa mu bintu bivudile kuleta ino misongo.”— Vivek Murthy, Dokitele mukatampe wa lupasulo mu Étas-Unis, New York Times, 17 Kweji 6, 2024

Le bambutwile babwanya namani kukinga babo bana ku byaka bya malezo a mīsambo? Bible uleta madingi mayampe.

Bya kulonga bambutwile

Tala ino misoñanya ya mu Bible.

“Mukosoke ulangulukilanga pa matabula onso.”—Nkindi 14:15.

Malezo a mīsambo byoadi na byaka bivule, kokalanga’mba obe mwana unenwe’nka kwiengidija. Kumeso kwa kuleka obe mwana engidije malezo a mīsambo, jingulula bidi shi ubwanya kwitūdila mikalo mu kitatyi kyapityija pawiengidija, shi ukekala’po na balunda bayampe, ne shi udi na bukomo bwa kwepuka bintu bibi bibwanya kutūlwa’po.

• Pa kuyuka bivule, tanga bishinte “Mon enfant devrait-il utiliser les réseaux sociaux ?” ne “Protégez votre adolescent des dangers des réseaux sociaux.”

“[Ingidijai] biyampe shē kitatyi kyenu.”—Bene Efisesa 5:16.

Shi ubaitabija obe mwana engidije malezo a mīsambo nabya mutūdile’ko ne mbila ya mwa kwiengidijija, ne kumulombola’mba kino kibwanya kumukinga. Muté mutyima. Shi ubamone’mba kudi byashinta mu ngikadila yandi nabya mulombole pa kutūla mikalo mu muswelo waingidija malezo a mīsambo.

• Pa kumukwasha ayuke kine kyafwaninwe kwitūdila mikalo paingidija malezo a mīsambo, talai nandi video Dyumuka Poingidija Marezo a Mīsambo pa Entelenete.

Yukila’ko bivule

Bible unena’mba tudi mu “bitatyi bya makambakano bikomo ne mwa kulongela.” (2 Temote 3:1-5) Ino kadi, Bible witudingilanga madingi mayampe akwasha twimanije. Mukatana bishinte bimanine pa Bible bifika ku 20 bikwasha bambutwile ne bana mu kino kishinte makambakano a bukomo bwa mu ñeni ku bankasampe.