Le Batumoni ba Yehova Badi na Bendeji Bafutwa Lupeto?

Batwe Batumoni ba Yehova byotulonda kimfwa kya bene Kidishitu babajinji, ketudipo na kibumbo kya bendeji beshileshile. Batumoni bonso babatyijibwe i basapudi bengila mwingilo wa kusapula ne kufundija. Batumoni badi mu bipwilo, kadi kipwilo ne kipwilo kidi na kintu kya basapudi 100. Bana-balume batame ku mushipiditu bengilanga bu “bakulumpe,” mu kipwilo ne kipwilo. (Tetusa 1:5) Bengilanga mwingilo wabo pampikwa kufutwa lupeto.