Watchtower KIBĪKO PA ENTELENETE
Watchtower
KIBĪKO PA ENTELENETE
Kiluba
Ā
  • Ā
  • ā
  • Ē
  • ē
  • Ī
  • ī
  • Ō
  • ō
  • Ū
  • ū
  • Á
  • á
  • É
  • é
  • Ó
  • ó
  • Ñ
  • ñ
  • BIBLE
  • BILUPWILWE
  • KUPWILA
  • ijwyp kishinte 81
  • Le Nkalonga Namani shi Naivwana Mukose?

Pano i patupu video

Yō, bibakoma kupūtula video.

  • Le Nkalonga Namani shi Naivwana Mukose?
  • Bipangujo bya Bankasampe
  • Tumitwe twa Myanda
  • Myanda Iifwene Nayo
  • Byofwaninwe kuyuka
  • Byobwanya kulonga
  • Le Ukalonga Namani Shi Obe Mwana I Mukōke Bininge?
    Bukwashi ku Bisaka
  • Lelo būmi bwa nyeke mu Paladisa kebukatondapo bantu?
    Kiteba kya Mulami Kisapula Bulopwe bwa Yehova—2011
Bipangujo bya Bankasampe
ijwyp kishinte 81
Nkasampe wa myaka dikumi ne musubu udi na bingidilwa bivule bya busendwe, ino ulēle pa butanda utala mūlu mwa njibo

BIPANGUJO BYA BANKASAMPE

Le Nkalonga Namani shi Naivwana Mukose?

Ku bantu bamo, kintu kibi kutabuka i kushikata ku njibo kitatyi kinoka mvula kyolwa pambulwa kya kulonga ne kwa kwenda. Nkasampe umo witwa bu Robert unena’mba, “mu bitatyi bya uno muswelo, nshikatanga’tu bitupu mwanda nkiyukilepo kya kulonga.”

Le nobe kodi mwiivwane uno muswelo? Shi i amo, kino kishinte kibwanya kukukwasha!

  • Byofwaninwe kuyuka

  • Byobwanya kulonga

  • Binena bakwenu

Byofwaninwe kuyuka

  • Kwingidija bya busenswe kekubwanyapo kukwasha.

    Kutwela pa Entelenete kubwanya kwikala bu muswelo’tu wa kupityija kitatyi, ino kubwanya kukalakanya bukomo boba bwa kulanga ne kubweja’ko mukose. Jeremy wa myaka 21 unena’mba, “utulumukanga’tu kobambīle meso zokozoko ku olodinatele kulangulukila pa kintu nansha kimo mpika.”

    Nkasampe mwana-mukaji witwa bu Elena nandi witabija uno mulangwe. Unena’mba “kudi bintu byokubwanyapo kulonga na kya busendwe. Kikulabikanga ku bintu bipita pa ino ntanda, ino abe utūla kya busendwe kyobe, po pene waivwana mukose kupita!”

  • Mumweno ushintanga bintu.

    Lelo kuvudilwa’tu bya kulonga kukakulengeja uleke kwivwana mukose? Bikalondakana na muswelo osenswe bintu byolonga. Kimfwa, nkasampe umo mwana-mukaji witwa bu Karen uvuluka’mba: “Kufunda masomo kwadi kundetela mukose bininge, nansha byonadi na bintu bya kulonga difuku dyonso dituntulu. Pa kusaka uleke kwivwana mukose ufwaninwe kuta mutyima ku byobya byolonga.”

Lelo wadi uyukile kala? “Kubulwa bya kulonga” ke kijikapo ino i mukenga, nshi ya bumeni mubwanya kumena bikunanwa.

Mu kintu mukunwanga mityi mumweka bu mudi kindadi, bike ne papye, ne tabulo ya sendwe

Kitatyi kyodi nakyo i nshi ya bumeni mubwanya kumena bikunanwa

Byobwanya kulonga

Longa bintu bishileshile. Kemone na balunda bapya. Shilula kwipwija mukose kukwabo. Kimba mitwe ya myanda mikwabo. Bantu balonga bintu bishileshile kebabwanyapo padi kwivwana mukose wa kwikala bunka nansha mukose wa kwikala na bantu!

Musoñanya wa mu Bible: “Kyonso kibwanya kulonga kuboko kobe, wikilonge na bukomo bobe bonso.”—Musapudi 9:10.

“Nashilwile kwifunda panopano Kishinwa Mandarin, kadi kwiibidija kwisamba luno ludimi difuku ne difuku kwanengeje mone amba nadi nsakilwa kwifunda’lo. Nsenswe kwikala na mwingilo wa kwingila. Neutanga mutyima kadi unkwashanga ñingidije kitatyi kyami biyampe.”—Melinda

Tá mutyima ku kitungo kyobe. Shi utele mutyima ku kitungo kyobe mu byolonga, ukebisangela bininge. Ubwanya kuleka kwivwana mukose polonga devwala shi utele mutyima ku kitungo kyobe.

Musoñanya wa mu Bible: “I kutupu kintu kipityile buya ku muntu kutabuka kudya ne kutoma ne kuloelelwa mingilo yandi mikomo.”—Mus. 2:24.

“Dya ku mfulo kwa masomo, nadi nefunda mansá mwānda difuku ne difuku mwanda ku ngalwilo nkyadipo nefunda. Le naivwene mukose? Aa, mwanda nadi ntele’ko mutyima bininge. Nadi ntele mutyima ku bintu byadi bya kulupuka’ko—ke kutambula dipolome kadi—kino kyaunkweshe ntakamane.”—Hannah.

Itabija kushinta byobya byobwanya kushinta. Nansha ke bintu bisangaja bininge kyaba kimo bibwanya kupungija shi i enka abyo byolonga. Kadi nansha ke balunda bayampe bakashinta kyaba kimo mpango yobakwete, washala pampikwa kintu kya kulonga. Pa kyaba kya kuleka uno mwanda ukubudije nsangaji, longa bukomo bwa kushinta’tu mumweno obe.

Musoñanya wa mu Bible: “Yewa wa mutyima muyule nsangaji udi nyeke mu masobo.”—Nkindi 15:15.

“Mulunda nami wanombwele mwa kumwena ne pa mfulo mu kitatyi kyondi pa bunka. Wanene amba muntu usaka kwikala biyampe mu būmi ufwaninwe kwikala na bujalale pa kitatyi kya kwikala na bantu ne kya kwikala bunka.”—Ivy.

Binena bakwenu

Hannah

“Divule dine nadi ngabila bantu badi bamweka bu badi na nsangaji mu būmi. Kupwa najingulula’mba bādi’tu bantu ba munshi kebādipo balonga ne bintu bine. Ebiya nashilula kulonga bintu. Nashilula kukaya makayo a kwipwija mukose ne kukimba bishinte bisangaja. Poenda wifundila’ko myanda ya ntanda, po pene yenda ikusangaja, ebiya mukose wakupwa.”—Hannah.

Caleb

“Ponabwenye myaka dikumi ne musubu, natompele kwipwa mukose na kukaya makayo a video. Ino ami pa kutama, namona’mba makayo a video keabwanyapo kulonga kintu. Akuvudijijanga’ko bya kulonga, ino shi ubapu kukaya’o wakomenwa kufikila pa byowadi usaka. Ebiya nasokola bintu bya kulonga na kitatyi kyami.”—Caleb

Micaela

“Divule dine nadi mona’mba mafuku i malampe kadi ngivwana mukose, ino mwenda mafuku najingulula’mba shi nsaka kupityija kitatyi pamo na bantu, mfwaninwe kwibalumba. Nashilula kwibalumba, ebiya byankwasha bininge. Bine, pano nsangelanga bitatyi bya ‘mukose’ mwanda kebivudilepo!”—Micaela.

    Mabuku a mu Kiluba (1993-2025)
    Tamba
    Twela
    • Kiluba
    • Tumina
    • Byosaka
    • Copyright © 2025 Watch Tower Bible and Tract Society of Pennsylvania
    • Bijila bya Mwingidijijo
    • Bitala Myanda Mifyame
    • Mwa Kujadikila Myanda Mifyame
    • JW.ORG
    • Twela
    Tumina