Dibuku dya Kala Adyo’ko dya Kamweno Dyalelo
Bantu bavule balēmekele Bible amba udi na kamweno mu butōtyi. Inoko, Bible kaletangapo’nka buludiki bwa mwa kutōtela. Mudi ne madingi a kamweno mu būmi bwa difuku ne difuku.
Kimfwa, tala muswelo wamwenine bantu bamo mu kutanga Bible ne kwingidija madingi adi’mo.
“Būmi bwami ke buyampe bininge. Ñeni ne milangwe yami bibalumbuluka. Kendi na mumweno muyampe.”—Fiona.
“Pano kendi na būmi bwa kitungo kadi buyampe pa mwanda wa kwifunda Bible.”—Gnitko.
“Būmi bwami bubashinta ke buyampe bininge. Pano ngidi na būmi bwa kwisuminwa, kadi mpityijanga kitatyi pamo na kisaka.”—Andrew.
Bino i bimfwa’tu bityetye byotwaleta. Bantu bavule kujokoloka ntanda yonso bayukile amba mu Bible mudi buludiki buvule bwa kamweno mu būmi bwa difuku ne difuku.
Tutalei bidi muswelo ubwanya Bible kukwasha bantu balumbulule . . .
Bukomo bwa ngitu
Bukomo bwa mu ñeni
Būmi bwa kisaka ne bulunda
Mwa kulamina lupeto
Būmi bwa ku mushipiditu
Ino myanda isa kulombola’mba Bible ke dibukupo’tu dikola, ino kadi i dibuku dyobwanya kumwena’mo mu miswelo mivule.