Ntwelelo
Muntu yense ufikilwanga na myanda ya bulanda kyaba kimo—padi misongo, akishida, kimpengele kya kipangila, nansha kususulwa ku ngitu.
Bantu bakimbanga malondololo.
Bantu bamo balañanga’mba masusu i mebatungilwe, kadi pakwabo balanga’mba kekudipo byotubwanya kulonga pa byobya bitufikila.
Bakwabo banenanga’mba tususukanga pa mwanda wa bintu bibi byotwalongele pa kala.
Divule dine myanda ya bulanda ilengejanga bantu beipangule bipangujo bivule, pampikwa kutana malondololo.