Lwimbo 132

Lama Mutyima Obe

(Nkindi 4:23)

1. Lamai mityima yenu,

Shi mukimba būmi.

Mukeselwa shi mwikale

Kulonda madingi.

Yukai’mba byomulonga

I’nka byomulanga.

Nanshi lamai ñeni yenu,

Yakavutakana.

2. Polama mutyima obe

Kokelwa kulomba.

Fwena kudi Leza wetu

Na bikukambija.

Wifunde Kinenwa kyandi,

Ukalama ñeni,

Ne kwenda kisense nyeke

Na bengidi bandi.

3. Ikala kwimika ñeni

Pa bintu bijila,

Pa byabine ne bya ntumbo

Ku meso a Leza.

Shi ulonde bino bintu

Ukamona ndoe,

Mutyima ukata enka

Ku būmi bwa nyeke.