Shapita 90

Lukulupilo lwa Lusangukilo

YESU wafika kufula kwa Betani, kibundi kisenselela ku makilometele 3 na Yelusalema. Pabapite mafuku matyetye’tu tamba Lazalasa ufwa ne kujikwa’ye. Banababo ba Madia ne Mata bakidila, pakidi ne bantu bavule baile ku yabo njibo kwibamona’ko.

Abo bakidila mwanabo, muntu umo wasapwila Mata amba Yesu udi mwishinda wiya. Nandi watalukididila lubilo kakamusambakana, bimweka bu kalombwelepo mwanabo. Mata wafika padi Yesu, kamupitulukila mu byobadi banena na mwanabo mafuku aná kunyuma, amba: “Shi wadipo longa nankyo mwanetu kafwilepo.”

I bine Mata walombola lukulupilo, pa kulupula bishima bilombola’mba Yesu ukokeja kulonga kintu kampanda pa mwanabo. “Ndyūkile kyonso kyo wakalomba kudi Leza, Leza ukakupa’kyo,” ye Mata unena.

‘Mwanenu usa kusanguka,’ ye Yesu umukulupija.

Mata walanga’mba Yesu wisambila pa lusangukilo lukāya kumeso lwa pano pantanda, lwādi lutengele Abalahama ne bengidi bakwabo ba Leza. Penepo walondolola’mba: “Kuyūkako ngyūkile’mba, ukasangukanga ponka pa kusanguka pa difuku dya mfulo.”

Ino Yesu wamupe kikulupiji kya kumutūkija mutyima ponka na ponka’mba: ‘Ami uno ne lusangukilo, ne būmi.’ Wavuluja Mata amba Leza i mumupe bukomo butabukile lufu, amba: “Wakungitabija nansha wafwa uka[lukila ku būmi]. Kadi yewa wa būmi mungitabije kakafupo nansha patyetye pene, mhm.”

Yesu kalombwelepo Mata amba bantu bakikōkeji bakidi na būmi mu kyandi kitatyi kebakikafupo. Mhm, ino mwanda mwine wanena pano i uno, kwitabija mudi aye kutwala ku būmi bwanyeke. Būmi bwa uno muswelo bukekala na bantu bavule bakasangulwa mu difuku dya mfulo. Ino kudi bakwabo bakikōkeji bakapanda ku mfulo kwa ino ngikadilo ya bintu pano pantanda, ku bano ko kukafikidila pa bute pa bute binenwa bya Yesu. Kebakafupo nansha patyetye pene! Kupwa kunena bino binenwa bitenga ku mityima, Yesu waipangula Mata amba, “Le ubaitabija’byo a?”

“Eyo Mwa! abe Mfumwami,” ye Mata ulondolola, “nayūka byōdi Kidishitu, Mwan[ā] Leza, yewa wadi usaka kwiya [mu ino ntanda].”

Papo Mata wajoka lubilo kukēta mwanabo, kamusapwila kufula’mba: “Mufundiji waiya yewa ukwita.” Madia watalukididila ku njibo. Bakwabo pa kumumona wenda, abalonda, balanga’mba i ku kibundu kivulukwa kwaenda.

Madia wafika kudi Yesu, wamuponena ku maulu kadila. Amba: “Abe Mfumwami, shi wadipopo longa nankyo mwanetu kafwilepo.” Yesu pa kumona mudidila Madia ne bibumbo bya bantu bimulonda, wakunkwa bininge. Kaipangula’mba: “Le aye mwine mumubīkile pi?”

Nabo amba: “Abe Mfumwetu, twaya ukamone.”

Yesu pa kusūmija impolo, walenga Bayuda kebanena’mba: “Ee! Talai bidi mwaadi umuswidile!” (MB)

Bamo abavuluka’mba Yesu, kitatyi kya Masobo a Matabenakulo adīlwe myeji mityetye kunyuma, wabelwile nsongwalume wābutwilwe mpofu, kebeipangula’mba: “Lelo kadi i namani, uno’u uyūkile’tu kupūtula meso a mpofu, le kayūkile namani kumulonga byakumulonga’mba wakafwa.” Yoano 5:21; 6:40; 9:1-7; 11:17-37.

▪ Yesu wafika kitatyi’ka kubwipi na Betani, ne i mwanda’ka udi’ko?

▪ I kika kipele Mata lukulupilo mu lusangukilo?

▪ I muswelo’ka watenekwa Yesu na lufu lwa Lazalasa?