Lombola Buswe Boswele Leza

Pa kulama mulunda nyeke, ufwaninwe kwisamba nandi. Umuteja byanena, nandi uteja byonena. Kadi umunenena mayampe ku bantu. Ne kwikala mulunda na Leza nako mo monka. Ivwana munenena Bible pa uno mwanda:

Wisambe kitatyi ne kitatyi na Yehova mu milombelo. “Shikilwai monka mu kulombela.”—Loma 12:12.

Tanga Bible, Kinenwa kya Leza. “Kisonekwa kyonso i kya ku bukomo bwa mushipiditu wa Leza ne kya kamweno mwanda wa kufundija, mwanda wa kutopeka, mwanda wa kolola bintu senene.”—2 Temote 3:16, NW.

Fundija bakwenu nabo bayuke Leza. “Endai nanshi mukafundijei mizo yonso ya bantu nabo ke bāna-babwanga, . . . ne [kwibafundija] balaminine byonso byo nemulaīle ami mwine.”—Mateo 28:19, 20.

Wifwenye kudi balunda na Leza. “Wenda na ba tunangu ukekala wa tunangu.”—Nkindi 13:20, BB.

Tanwa ku kupwila kupwilwanga ku Njibo ya Bulopwe. “Twitei mityima bātwe bene na bene ya pa kwisombela ku [buswe] ne mīngilo miyampe; . . . [kwikankamika] bātwe bene.”—Bahebelu 10:24, 25.

Kwatakanya mwingilo wa Bulopwe na kuleta bukwashi. “Bantu bonso mo bakaninina ku mityima yabo bapanine monka, wa byandi, wa byandi, kadi kenamutyimapo wa kufītwa, mhm, nansha wa [kuningilwa]; mwanda aye Leza uswele wakupana ne mutyima, tō.”—2 Kodinda 9:7.