Watchtower KIBĪKO PA ENTELENETE
Watchtower
KIBĪKO PA ENTELENETE
Kiluba
Ā
  • Ā
  • ā
  • Ē
  • ē
  • Ī
  • ī
  • Ō
  • ō
  • Ū
  • ū
  • Á
  • á
  • É
  • é
  • Ó
  • ó
  • Ñ
  • ñ
  • BIBLE
  • BILUPWILWE
  • KUPWILA
  • be p. 74-p. 77 mus. 2
  • Wielele’ko​—Endelela Kumeso

Pano i patupu video

Yō, bibakoma kupūtula video.

  • Wielele’ko​—Endelela Kumeso
  • Mwena Byabuyabuya mu Bufundiji bwa Masomo a Mwingilo wa Kiteokratike
  • Tumitwe twa Myanda
  • Myanda Iifwene Nayo
  • Buyuki ne Kwalamuka
  • Ingidija Kyabuntu Kyobe
  • Mvubu ya Bupotolodi
  • Endelela Kobolola bya Kumeso
  • Bankasampe—Bonso Bamone Momwendela Mutamina
    Kiteba kya Mulami Kisapula Bulopwe bwa Yehova—2009
  • Kwendelela Kwenu Kumweke Ku Bonso!
    Mwingilo Wetu wa Bulopwe—1996
  • Bonso Bamone Motamina
    Kiteba kya Mulami Kisapula Bulopwe bwa Yehova—2009
  • Kobe Kwendelela Kumeso Kumweke ku Bantu Bonso
    Kiteba kya Mulami Kisapula Bulopwe bwa Yehova—2001
Tala Bikwabo
Mwena Byabuyabuya mu Bufundiji bwa Masomo a Mwingilo wa Kiteokratike
be p. 74-p. 77 mus. 2

Wielele’ko​—Endelela Kumeso

KITATYI kyowefundile dibajinji kulonda misoñanya ya mu Bible, mulangilo, muneneno ne bilongwa byowadi ulamete’ko bininge byashilwile kushinta bityebitye. Bivule byashintyile abe kwelembeje ne ku Masomo a Mwingilo wa Kiteokratike kwine. Mobimwekela pano kodi mwendelele kumeso bininge, ubafikila ne ku kupāna būmi bobe kudi Yehova. Lelo ko kunena’mba kubapu kukyendelelapo kumeso monka? Mhm, ke amopo. Lubatyijo lobe i ngalwilo’tu.

Mwanā bwanga Temote wādi kala mukulumpe mwine Kidishitu pāmunene Polo ‘kulanguluka’ pa madingi obāmudingile ne pa madyese a mwingilo obāmupele​—‘kwielelela’ mu bino bintu​—amba ‘kwendelela kumeso kwandi kumweke ku meso a bantu bonso.’ (1 Tem. 4:12-15) Wikale ukishilulashilula kulonda dishinda dya bubinebine nansha shi kodi mwije mu būmi bwa bwine Kidishitu, ufwaninwe kuta mutyima ku kwendelela kumeso kobe.

Buyuki ne Kwalamuka

Tutanga mu Efisesa 3:14-19 amba mutumibwa Polo wālombele amba bakwabo betabije bekale ‘kukwatyija mpata mu ñeni bukata ne bula ne bwimwa ne nkulwe’ ya bubinebine. O mwanda Yesu wāpēne bantu bu byabuntu ba kufundija, kusendulula, ne kūbaka kipwilo. Kulanguluka nyeke pa Kinenwa kya Leza kisonekwe ku bukomo bwa mushipiditu, ne buludiki bwituludika bafundiji ba bwino, kukokeja kwitupa muswelo wa ‘kutama’ ku mushipiditu.​—Ef. 4:11-15.

Kuno kutama i ne ‘kwalamunwa dipya mu bukomo buludika ñeni yetu.’ Kadi i ne kujadika biyampe shē kufwatakanya kwa ñeni yetu amba kwikale kukwatañane na kwa Leza ne kwa Kidishitu. Kino kilomba kwivwana kitatyi kyonso mulangilo wabo mwanda wa ‘kuvwala bumuntu bupya.’ (Ef. 4:23, 24) Powifundanga Maevanjile, le umonanga ino nsekununi ya būmi bwa Kidishitu bu dishinda dyofwaninwe kulonda? Lelo ukimbanga kujingulula ngikadilo kampanda yādi nayo Yesu ne kulonga bukomo bwa binebine bwa kwiula’yo mu būmi bobe?​—1 Pet. 2:21.

Milangwe yotweja mu mīsambo yobe ikokeja kulombola ludingo lowafikila’po mu kwendelela kobe. Boba bavwele bumuntu bupya kebekujangapo mu mineneno ya budimbidimbi, ya mutonko, ya kiboja, ne ya kafutululo. Ino muneneno wabo i ‘muyampe ūbaka amba upāne buntu kudi bemvwaniki.’ (Ef. 4:25, 26, 29, 31; 5:3, 4; Yude 16) Bishima ne binenwa byobanena kufula ne mu kupwila bilombola amba bubinebine bwalamunanga būmi bwabo.

Shi kukibwanyapo “kusunkanibwa, ne kupūlulwa ku bivula byonso bya lufundijo,” nabya ubaendelela kumeso. (Ef. 4:14) Tulete kimfwa, le uloñanga namani shi ntanda ikupakika milangwe, mifwatakanyo, ne miswelo mipya ya kwipwija mukose? Lelo wikalanga na mutyima wa kwiba kitatyi ku biselwa bya ku mushipiditu mwa kulondelalondela bintu bya uno muswelo? Kulonga namino kukokeja kusupaija kwendelela koendelela ku mushipiditu. Bine, i kipite buya kukūla kitatyi kya kulonga bintu bya ku mushipiditu!​—Ef. 5:15, 16.

Muswelo oikele na bantu bakwabo nao i kilomboji kilombola ludingo lokodi’po mu kwendelela ku mushipiditu. Lelo kodi muyuke mwa kwikadila na ‘kanye ne kwilekela’ na batutu ne bakaka?—Ef. 4:32.

Kwendelela koendelela mu kulonga bintu musakila’byo Yehova kufwaninwe kumweka mu kipwilo ne ku njibo kwine. Kadi kufwaninwe kumweka ne ku masomo, pa bikwe bya bantu, ne ku kaji. (Ef. 5:21–6:9) Shi ulombolanga bya binebine ngikadilo ya Leza mu bintu bya uno muswelo, nankyo kwendelela kobe kwendanga kwimwekeja patōka.

Ingidija Kyabuntu Kyobe

Yehova i mwitupe batwe bonso umo ne umo bwino ne bunwa. Aye usaka twingidije bino bintu pa mwanda wa kamweno ka bakwetu, ne mwanda wa kunena’mba nandi alombole buntu bwandi kupityila motudi. Pa kino, mutumibwa Petelo wāsonekele amba: “Monka mo mwatambwidile bānwe bonso kyabuntu, wa kyandi, wa kyandi, e monka mo mwipela’byo umbukata mwenu, pamo bwa batulama balumbuluke ba buntu.” (1 Petelo 4:10) Lelo wingidijanga bukalama bobe namani?

Kimfwa, Petelo ubweja’ko amba: “Shi umo ēsambe, nankyo ēkale kwisamba na wisamba binenwa bya Leza.” (1 Pet. 4:11) Uno vese unenanga ukoma kiselwa kya kunena bintu bikwatañene mpata na Kinenwa kya Leza, mwanda wa Leza atumbijibwe ntumbo. Ne muswelo unenwa bino bintu nao ufwaninwe kutumbija Yehova. Bufundiji bofunda ku Masomo a Mwingilo wa Kiteokratike bukokeja kukukwasha wingidije kyabuntu kyobe mu uno muswelo​—ke kutumbija Leza na kukwasha bakwenu kadi. Shi kino kyo kitungo kyobe, ukayuka namani amba pano ubaendelela kumeso ku masomo?

Kokanza’nka kubala myanda mivule yopwa pa fomu wa madingi a buneni nansha miswelo ya bipindi byokebadi bakupe, ino languluka ne pa byobakufundija, uyuke i muswelo’ka obyenda bilumbulula kitapwa kyobe kya mitendelo. Masomo etuteakanyanga tuyuke kulupula bipa bivule mu mwingilo wa budimi. O mwanda wiipangule amba: ‘Lelo bine nteakanyanga myanda ya kukanena mu mwingilo wa budimi? Le kendi muyuke kuta mutyima ku bantu bonsapwila? Lelo ngalanga mwadijo wa kujokela’mo kupya na kushila bantu kipangujo kya kwisambila’po dikwabo? Shi nefunda Bible na muntu kampanda, le neelelanga’ko kwikala mufundiji utenga mutyima?’

Kokalanga amba madyese a mingilo obakupele ko kwendelela kowaendelela kumeso. Kadi kwendelela kobe kekumwekangapo mu kipindi kyobakupele, ino i mu muswelo owikipityija. Shi abakupe kipindi kilomba kufundija, wiipangule amba: ‘Lelo nadi naingidija busendwe bwa kufundija? Le nanenanga myanda mu muswelo walamuna bintu bivule mu būmi bwa bemvwaniki?’

Kwingidija kyabuntu kyobe i ne kwikala na mutyima wa kwitalukila. Lelo witalukilanga kukengila na bengila mu mwingilo wa budimi? Le ukimbanga mikenga ya kukwasha bapya, bankasampe, ne ba bulema badi mu kyenu kipwilo? Lelo witumanga abe mwine kukakomba ku Njibo ya Bulopwe nansha kukwasha ku mingilo pala pala ku bitango ne ku kubungakana? Le kubwanyapo kwingila bu pania mukwashi mu byaba bimobimo? Lelo ubwanya kwingila bu pania walonso nansha kukakwasha kipwilo kisakilwa bengidi bavule? Shi wi tutu, lelo uloñanga buninge bwa kubwanya bisakibwa mwa kwikadila mwingidi wa mingilo ne mukulumpe? Mutyima obe wa kusaka kukakwasha bakwenu nansha kwitabija biselwa i kilomboji kya kwendelela koendelela kumeso.​—Mit. 110:3.

Mvubu ya Bupotolodi

Shi wimona amba kudi bintu byokubwanyapo mu būmi bobe bwa bwine Kidishitu pa mwanda wa bungiya, kankamana. Kinenwa kya Leza kyalamunanga ‘ngiya ke wa tunangu.’ (Mit. 19:7; 119:130; Nk. 1:1-4) Kulonda madingi a mu Bible kwitupanga muswelo wa kumwena byabuyabuya mu tunangu tubwaninine twa Yehova, ato to tudi na mvubu mikatampe kupita byonso byotwifunda na kwiiya’byo bitupu. Inoko, mu kwendelela kumeso mu mwingilo wa Yehova mo mu kwikala na bupotolodi bwa mvubu mpata. Ino i muswelo’ka otukokeja kwibwingidija senene?

Muntu utenwe na myanda mishileshile umbūmi ukokeja kwiongola’mba: ‘Mwene uno mwanda ke muntane ne pakwabo. Ndyukile kala mwa kulongela.’ Lelo kunena namino to tunangu? Nkindi 3:7 udyumuna’mba: “Ko kekalapo bu-wañeni mu meso obe abe mwine.” Eyo, bupotolodi bo bufwaninwe shabo kutandabula mumweno wetu tuyuke myanda ya kubandaula mu ngikadilo kampanda ya mu būmi bwetu. Ino shi twendelela kumeso ku mushipiditu, bupotolodi bwetu bufwaninwe ne kukunka ñeni ne mityima yetu tuyuke amba, pa kubwanya byotulonga, tusakilwa kweselwa madyese na Yehova. Nanshi kwendelela kwetu kekumwekangapo patōka mu kulwa kotulwa na myanda na kwikulupila batwe bene, ino i mu kwiubija bukidibukidi mudi Yehova wa kwituludika mu būmi bwetu. Kwilombolanga mu kukulupila kotukulupile amba i kutupu kintu kikokeja kulongeka shi aye kasakilepo amba kilongeke, ne mu kulama kotulama kipwano kya kukulupila ne kusanswa Tata wetu wa mūlu.

Endelela Kobolola bya Kumeso

Mutumibwa Polo, nansha byaādi kala mwine Kidishitu mupye ku mushipiditu, mushingwe māni, wāyukile amba ufwaninwe kwendelela na “kobolola ku bintu bya kumeso” mwa kufikila pa kitungo kya umbūmi. (Fid. 3:13-16) Lelo nobe usakanga kulonga namino?

Lelo wi mwendelele kumeso kufika ne pa ludingo’ka? Dingakanya kwendelela kobe na muswelo oikele kuvwala mvwadidile bumuntu bupya, ne oikele kukōkela na mutyima umo ku bubikadi bwa Yehova, ne oingidija na bupyasakane byabuntu byodi nabyo mwa kutumbijija Yehova. Pano poenda umwena byabuyabuya mu bufundiji bwa Masomo a Mwingilo wa Kiteokratike, ne ngikadilo ilombwelwe mu Kinenwa kya Leza nayo ifwaninwe yenda imweka mu binenwa ne mu bufundiji bobe. Ta mutyima ku bino bintu bya kukwendeja kumeso. Bine, sangela’byo, nabya ne kwendelela kobe nako kekukejepo kumweka patōka.

I BITUNGO’KA BYA KU MUSHIPIDITU BYOWITUNGILE?

I bitungo’ka byendele’mo byowitungile byofwaninwe kufikila’po mu mwaka wiya’ko?

  1. ․․․․․․․․․․․․․․․․․․․․․․․․․․․․․․․․․․․․․․․․․․․․․․․․․․․․․․․․․․․

  2. ․․․․․․․․․․․․․․․․․․․․․․․․․․․․․․․․․․․․․․․․․․․․․․․․․․․․․․․․․․․

I bitungo’ka bya kumeso byomwene na mvubu bininge byosumininwe kulondalonda enka ne byokafikila’po?

  1. ․․․․․․․․․․․․․․․․․․․․․․․․․․․․․․․․․․․․․․․․․․․․․․․․․․․․․․․․․․․

  2. ․․․․․․․․․․․․․․․․․․․․․․․․․․․․․․․․․․․․․․․․․․․․․․․․․․․․․․․․․․․

  3. ․․․․․․․․․․․․․․․․․․․․․․․․․․․․․․․․․․․․․․․․․․․․․․․․․․․․․․․․․․․

    Mabuku a mu Kiluba (1993-2025)
    Tamba
    Twela
    • Kiluba
    • Tumina
    • Byosaka
    • Copyright © 2025 Watch Tower Bible and Tract Society of Pennsylvania
    • Bijila bya Mwingidijijo
    • Bitala Myanda Mifyame
    • Mwa Kujadikila Myanda Mifyame
    • JW.ORG
    • Twela
    Tumina