Leza wa Bine Lelo I Ani?

Kudi Leza wa bine umo kete, ne dijina dyandi i Yehova. (Mitōto 83:18) I Mushipiditu; ketubwanyapo kumumona. Wituswele ne usakanga netu tumuswe. Kadi usakanga tuswe ne bakwetu. (Mateo 22:35-40) I Mwine Mukatakata Mwine, Umpangi wa bintu byonso.

Muntu wa ku mushipiditu umbajinji kupangwa na Leza, i wa bukomo, wāyukene mwenda mafuku bu Yesu Kidishitu. Kadi Yehova wāpangile bamwikeulu.

Yehova wāpangile bintu byonso bya mūlu . . . ne bya pano panshi. Kusokwelwa 4:11

Yehova Leza wāpangile ñenyenye, ntanda, ne byonso bidi’po.​—Ngalwilo 1:1.

Wāpungile Adama, muntu mubajinji, ku biloba bya panshi.​—Ngalwilo 2:7.