Watchtower KIBĪKO PA ENTELENETE
Watchtower
KIBĪKO PA ENTELENETE
Kiluba
Ā
  • Ā
  • ā
  • Ē
  • ē
  • Ī
  • ī
  • Ō
  • ō
  • Ū
  • ū
  • Á
  • á
  • É
  • é
  • Ó
  • ó
  • Ñ
  • ñ
  • BIBLE
  • BILUPWILWE
  • KUPWILA
  • lfb kifundwa 21 p. 54-p. 55 mus. 2
  • Kipupo kya Dikumi

Pano i patupu video

Yō, bibakoma kupūtula video.

  • Kipupo kya Dikumi
  • Myanda Yotwifunda mu Bible
  • Myanda Iifwene Nayo
  • Mosesa ne Alone Abakamone Felo
    Dibuku Dyami dya Mānga ya mu Bible
  • Mpupo Isatu Mibajinji
    Myanda Yotwifunda mu Bible
  • Mulopwe Mubi Wabikala pa Edipito
    Dibuku Dyami dya Mānga ya mu Bible
  • Mosesa Wātongele Kutōta Yehova
    Myanda Yotwifunda mu Bible
Tala Bikwabo
Myanda Yotwifunda mu Bible
lfb kifundwa 21 p. 54-p. 55 mus. 2
Mwana-mulume mwine Isalela ushinga mashi pa kibelo kyandi

KIFUNDWA 21

Kipupo kya Dikumi

Mosesa wālaile Felo amba kakyendapo kukamumona monka. Inoko kumeso kwa kutaluka, wāsapwidile Felo amba: ‘Pa bukata bwa bufuku, bana babajinji bonso ba bene Edipito basa kufwa, kushilwila ku mwanā Felo kutūla ne ku bana ba bapika.’

Yehova wāsapwidile bene Isalela badye bidibwa bya pa bula. Wēbanenene’mba: ‘Ipayai mukōko mulume nansha mbuji mulume wa mwaka umo, mushinge mashi amo pa kibelo. Oshai mwita, mudye’o na mikate yampikwa kiyujo. Vwalai bisandi, ne bikwabilo, mwikale beteakanye mwa kwendela. Mu buno bufuku’bu nsa kwimunyongolola.’ Langa’po mwāsangedile bene Isalela!

Pa bukata bwa bufuku, mwikeulu umo wa Yehova wāpita ku njibo yonso ya mu Edipito. Ku mobo kwādi kwampikwa kutūla kayukeno ka mashi pa kibelo, kwādi kufwa mwana mubajinji. Inoko mwikeulu wātabukile mobo ādi’po kayukeno ka mashi. Kisaka kyonso kya bene Edipito, kya bampeta ne kya balanda, kyāfwidilwe mwana. Inoko kekwāfwilepo mwana nansha umo mwine Isalela.

Enka ne mwanā Felo mwine wāfwile. Felo kākankejepo monka bene Isalela. Bukidi bonka wāsapwila ba Mosesa ne Alone amba: ‘Talukai. Tambai muno. Endai mukatōte Leza wenu. Selai ne banyema benu mwende!’

Bene Isalela bātambile mu Edipito kitatyi kikalanga kweji ke mutuntulu, balongololwe mungya bisaka. Bādi bana-balume 600 000 ne bana-bakaji bavule ne bana. Kadi, kwādi ne bantu bakwabo bavule bāendele na bene Isalela mwanda wa nabo bakatōte Yehova. Mfulo mfulō bene Isalela bānyongololwa!

Pa kusaka kuvuluka mwēbanyongolwedile Yehova, bādi ba kudya bino bidibwa bya pa bula mwaka ne mwaka. Bino bidibwa byādi bitwa bu Pashika.

Bene Isalela batamba mu Edipito

“I pa mwanda wa kino’ki kyonkulekele’ko: kukulombola bukomo bwami podi, ne mwanda wa dijina dyami disapulwe pa ntanda ponso.”—Bene Loma 9:17

Bipangujo: Le kipupo kya dikumi i kipupo’ka? Le bene Isalela bādi bafwaninwe kulonga bika pa kwikinga abo bene ku kino kipupo?

Divilu 11:1–12:42; 13:3-10

    Mabuku a mu Kiluba (1993-2025)
    Tamba
    Twela
    • Kiluba
    • Tumina
    • Byosaka
    • Copyright © 2025 Watch Tower Bible and Tract Society of Pennsylvania
    • Bijila bya Mwingidijijo
    • Bitala Myanda Mifyame
    • Mwa Kujadikila Myanda Mifyame
    • JW.ORG
    • Twela
    Tumina