Ntwelelo ya Kipindi 11

Kino kipindi kishilula na ntwelelo ya Bisonekwa bya Kingidiki bya Bwine Kidishitu. Yesu wābutwidilwe mu kisaka kilanda kyādi kishikata mu kakibundi katyetye. Wāingile na shandi, sendwe wa mbao. Yesu ye wādi muntu umo kete wa kupandija bantu. Yehova wāmutongele bu Mulopwe wa Bulopwe bwa mūlu. Shi wi mbutwile, kwasha obe mwana asangele muswelo wātongele Yehova na katentekeji kisaka ne kifuko mwa kutamina Yesu. Bandaulai mwākingīlwe Yesu na Yehova kitatyi kyādi kikimba Heloda kumwipaya. Bandaulai muswelo obāpele Yoano mwingilo kudi Yehova wa kulongolwela Yesu dishinda. Komeneja muswelo wālombwele Yesu tamba ku bwanuke amba usenswe tunangu twa Yehova.