Ntwelelo ya Kipindi 12

Yesu wāfundije bantu myanda ya Bulopwe bwa mūlu. Kadi wēbafundije balombele kupandulwa kwa dijina dya Leza, kwiya kwa Bulopwe bwandi, ne kulongeka kwa kiswa-mutyima kyandi pano pa ntanda. Shi wi mbutwile, lombola obe mwana mushintulwila ino milombelo kotudi. Yesu kālekelepo Satana amonene lulamato lwandi. Yesu wātongele batumibwa bandi, bāikala bu kyalwilo kya Bulopwe. Talai bupyasakane bwa Yesu pa mutōtelo wa bine. Yesu byaādi usaka kukwasha bantu bakwabo, wābelwile babela, wādisha ba nzala, enka ne kusangula bantu bafwe. Kupityila ku bino bingelengele byonso, Yesu wālombwele byobya bikalonga Bulopwe pa bantu.