Lelo I Bika Binena Bible?

Le muntu ye wāshilwile mutōtelo?

BANTU BAMO BAKULUPILE amba mutōtelo i mushilulwe na muntu, bakwabo nabo balañanga’mba Leza wingidijanga mutōtelo mwanda wa kukwasha bantu bafwene kwadi. Lelo abe nobe?

BINENA BIBLE

Kudi “mutōtelo mwine utōka tō, wampikwa disubi ku meso a Leza Tata.” (Yakoba 1:27) Mutōtelo utōka nansha wa bine i mutambe kudi Leza.

BIKWABO BYOTWIFUNDA MU BIBLE

• Mutōtelo usangaja Leza ufwaninwe kwimanina pa bubine bwa mu Bible.​—Yoano 4:23, 24.

• Mitōtelo imanine pa milangwe ya bantu i ya bitupubitupu.​—Mako 7:7, 8.

Le kwikala mu mutōtelo kampanda kudi na mvubu?

LE ABE AMBA?

• Eyo

• Mhm

• Padi

BINENA BIBLE

“Twitei mityima batwe bene na bene mwanda wa kwikankamikila ku buswe ne ku mingilo milumbuluke, ne kuleka’byo kwibungila pamo mpika.” (Bahebelu 10:24, 25) Leza usakilanga batōtyi bandi kwibungila pamo bu kisumpi kiteakanibwe.

BIKWABO BYOTWIFUNDA MU BIBLE

• Boba batōtela Leza pamo bafwaninwe kwikala umbumo, ne na lukulupilo lumo.​—1 Kodinda 1:10, 11.

• Bantu badi mu mutōtelo witabijibwe na Leza i babunde kisaka kya bu bana na bana kya ntanda yonso.​—1 Petelo 2:17.