Mu Bulopwe bwa Leza, bantu “bakēsangaja mu bungi bwa ndoe.”—Ñimbo ya Mitōto 37:11
Lelo I Bika Binena Bible?
Lelo Bible ubwanya kukukwasha ulwe na kukambakanya mutyima?
Le abe amba namani?
En-en
Aa
Padi
Binena Bible
“Koku mwela makambakano enu onso [kudi Leza], mwanda aye wimutele mutyima.” (1 Petelo 5:7) Bible uleta kikulupiji amba Leza ubwanya kukukwasha unekenye kukambakanya mutyima.
Le i bika bikwabo byotwifunda mu Bible?
Kupityila ku milombelo, ubwanya kwikala na “ndoe ya Leza” mine ikakutyepejeja’ko kukambakanya mutyima.—Fidipai 4:6, 7.
Kadi, kutanga Kinenwa kya Leza kubwanya kukukwasha unekenye njia.—Mateo 11:28-30.
Lelo kukambakanya mutyima kukapwa?
Bamo bakulupile . . . amba kukambakanya mutyima ne njia bibadilwanga mu ngikadilo ya bantu, bakwabo nabo bakulupile amba kukambakanya mutyima kukapwa enka shi tubafu. Le ulanga’po namani?
Binena Bible
Leza usa kutalula’ko byonso bilengeja kukambakanya mutyima. “Lufu kelukekala’kopo dikwabo, nansha madilo nansha miyoa nansha misanshi mine keikekala’kopo monka.”—Kusokwelwa 21:4.
Le i bika bikwabo byotwifunda mu Bible?
Mu Bulopwe bwa Leza, bantu bakekala mu ndoe ne na mutyima-ntenke.—Isaya 32:18.
Kukambakanya mutyima bipitepite ne njia kebikavulukwapo monka.—Isaya 65:17.