Malondololo ku Bipangujo Byenu

◼ Lelo i ani ufwaninwe kupebwa kayukeno ka kuvwala ku kitango kya distrike?

Tuyukeno tuvwalwanga ku bitango tukwashanga mpata, mwanda to tuyukilwanga’po majina a banabetu, kadi tuyukijanga bantu amba kudi kitango. Inoko ke twa kwabapo bwabeabe. Mwanda tuyukanyanga bene bavwele’to’ba amba badi mu kipwilo kampanda kya Batumoni ba Yehova.

Pa kayukeno padi kyaba kya kulemba’po dijina dya muntu ne dijina dya kipwilo kyabo. Nanshi uvwala’ko’wa ufwaninwe kwikala muntu ke mwije kitatyi kampanda mu kipwilo kyalemba pa kayukeno. Sosiete utumanga kitutula kya tuyukeno pa kipwilo ne kipwilo. I kyendele’mo kupāna tuyukeno ku musapudi ne musapudi mubatyijibwe ne wakubulwa kubatyijibwa. Ne bana ne boba batanwanga ku kupwila kitatyi ne kitatyi, bendelela kumeso, bekankila kufikila pa kushilula kutambila mu mwingilo nabo bakokeja kupebwa’to. Ke biyampepo kupa muntu mupangwe kayukeno.

Shi mubatambula tuyukeno, bakulumpe bafwaninwe kutadija mwanda wa kwabanya tuyukeno kukwatañana na buno bulombodi bwaletwa.