Mwa Kwisambila pa Kupāna Mapepala

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Kiteba kya Mulami 15 Kweji 8

“Molangila, dikōkeji ditabukidile dyonso i dikōkeji dya muswelo’ka? [Muleke akulondolole.] Kino kishinte kisambila mpata pa dikōkeji kudi Leza wabine. [Putūla pa paje 5, utange 2 Samwele 22:26.] Lelo uyukile amba dikōkeji kudi Leza dibwanya kukankaja bavule ku kulonga bakwabo bilongwa bya nshikani? Ndyukile amba usa kusangala pa kutanga ino nimelo.”

Réveillez-vous ! 22 Kweji 8

“Lelo kasha kwatompwele amba myanda ya busala bukusa bantu ibakoma kupwija? [Muleke akulondolole.] Kine kilengeja busala namino i kisūpa kisupakanya bantu bintu. Yesu wāfundije bandi balondi baleke kwikala na kisūpa. [Tanga Yoano 6:12.] Dino dipepala dilombola kulonda misoñanya ya mu Bible mokukokeja kwitukwashija twepuke uno mwikadilo moneke.”

Kiteba kya Mulami 1 Kweji 9

“Lelo ubajingulula amba mu bifuko bivule bantu kebakiyukilepo balondakani nabo senene na mobādi bebayukile mafuku kunyuma? [Muleke akulondolole.] Yesu wāletele musoñanya wa mvubu mpata pa kusaka kwikala mulondakani muyampe. [Tanga Mateo 7:12.] Bino bishinte bilombola motukokeja netu kwikadila balondakani bayampe, kadi bikankamika bakwetu nabo balongele monka.”

Réveillez-vous ! 8 Kweji 9

“Ku bavule dyalelo, būmi i buyule malangalanga. [Tanga Musapudi 9:11.] Le i kwepi kotukokeja kutana bwendeji bukulupilwa? [Muleke akulondolole.] Bamo banyemenanga ku lubuko lwa kubukwa na bibalwa. Le uno o muswelo okokeja kuyuka būmi bobe bwa kumeso? I kwepi kokokeja kutana myanda ikulupilwa itala pa būmi bwa kumeso? Uno Réveillez-vous ! uleta’po malondololo.”