Mwa Kwisambila pa Kupāna Mapepala

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Kiteba kya Mulami 15 Kweji  10

“Ubwanya kushintulwila banuke nansha bantu bakwabo namani kyavudila bintu bibibibi dyalelo? [Muleke akulondolole.] Bible ulondolola kipangujo kya amba, ‘I Ani Udi Kunyuma Kwa Bibi Byonso?’ [Tanga 1 Yoano 5:19.] Kino Kiteba kya Mulami kikakukwasha ujingulule mubi i ani ne kuyuka muswelo otukokeja kulwa nandi.”

Réveillez-vous ! 22 Kweji 10

“Abe’wa molangila, milombelo ya bendeji ba mitōtelo nansha ya muntu kampanda, shi ani shi ani, ikokeja kuleta ndoe pano pa ntanda? [Muleke akulondolole.] Bible ulaya amba kudi kitatyi kikasambakana ndoe pa uno umbuo onso wa ntanda. [Tanga Isaya 9:​6, 7.] Lelo ubaivwana amba kudi mulopwe umo wa pa bula usa kuleta ndoe pano pa ntanda? Uno Réveillez-vous ! ulombola uno muludiki i ani ne muswelo wakaleta ndoe yabine na bine.”

Kiteba kya Mulami 1 Kweji  11

“Bavule umbukata mwetu basakanga kwikala mu ndoe na bakwabo. Nalanga usa kwitabija amba pavule kipēlanga kunena ke kulongapo, ke amopo? [Muleke akulondolole.] Bible ulombola buluji bupēlela kunena ino kulonga kukomo. [Tanga Yakoba 3:2.] Kino kishinte kilombola buluji bunenenwa amba kulomba lusa lo lufungulo lwa kwaluja ndoe ne kwiilama.”

Réveillez-vous ! 8 Kweji 11

“Bupolofeto bwa Bible bulombola amba mu kitatyi kikāya kumeso kekudipo ukanena’mba, ‘Nabela.’ [Tanga Isaya 33:24.] Mwene kikekala kya kutendelwa? [Muleke akulondolole.] Inoko, dyalelo muzo wa muntu ukimweshibwa malwa na misongo mivule, kifwa kipupo kya SIDA. Uno Réveillez-vous ! ulondolola kipangujo kya amba, ‘Le kipupo kya SIDA kikapwa?’”