Mwa Kwisambila pa Kupāna Mapepala

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Kiteba kya Mulami 15 Kweji 10

“Bantu bavule banenanga’mba kyodya ye kyo kyobe mwanda būmi bwa kumeso kebuyukenepo. Le abe ulanga’po namani? [Muleke alondolole.] Yesu wānene bino binenwa bisangaja. [Tanga Mateo 6:34.] Kino kiteba kishintulula motukokeja kuteakenya būmi bwa kumeso ino pampikwa kuzumbijazumbija mutyima bipitepite.”

Réveillez-vous ! Kweji 10

“Batwe bonso ketudi bafwilwe baswe betu. Le ulanga abo badi mūlu betutala? [Muleke alondolole.] Tala byānene Yesu pāfwile Lazalasa. [Tanga Yoano 11:11.] Kino kishinte kishintulula shi bafwile i bōmi bekele kuntu kampanda nansha balēle bakungile lusangukilo.” Mulombole kishinte kidi pa paje 28.

Kiteba kya Mulami 1 Kweji 11

“Le ulanga ntanda yadi ya kwikala biyampe shi bantu bonso badi na kwityepeja? [Muleke alondolole.] Tala byānene Yesu pa mwanda utala kwityepeja. [Tanga Mateo 23:12.] Kino kishinte kisambilanga pa kamweno kamwenwa mu kwikala na kwityepeja, nansha byotudi mu ntanda ya kwitāka.”

Réveillez-vous ! Kweji 11

“Mafuku a kala, bantu badi divule bakimba madingi mu Bible. Ino dyalelo bavule balakananga’ye. Le abe ulanga’po namani? [Muleke alondolole.] Ebiya tanga 2 Temote 3:16.] Ino nimelo ya pa bula ya Réveillez-vous ! iletanga bubinga bufike’po bulombola’mba Bible i mulembwe ku bukomo bwa mushipiditu wa Leza.”