Mwa Kwisambila pa Kupāna Mapepala

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Kiteba kya Mulami 15 Kweji 10

“Bantu bamo bakulupile amba shi bekale na lupeto luvule nabya bakekala na būmi buyampe. Le nobe ulanga amba ye amo? [Muleke alondolole.] Tala mwānenene’po mpeta umo wa ntanda ne miseke. [Tanga Musapudi 5:10.] Dino dipepala disambila pa misoñanya itabukile ne bupeta bwine.”

Réveillez-vous ! 22 Kweji 10

“Bantu bavule bayukile mvubu ya kufundija bana tamba bakidi banuke. Molangila kino kikidi na mvubu ne dyalelo? [Muleke alondolole. Kupwa tanga Nkindi 22:6.] Ino nimelo ya Réveillez-vous ! īsambila pa bintu bibala-binga bifwaninwe kulonga’po bambutwile pa kutamija senene ne umboloke babo bana.”

Kiteba kya Mulami 1 Kweji 11

“Bantu bavule kebakulupilepo amba baludiki ba ntanda babwanya kupwija makambakano a dyalelo. Le ulanga kudi muntu ubwanya kufikidija byobya bilailwe mu nao mavese? [Tanga Mitōto 72:7, 12, 16. Kupwa muleke alondolole.] Dino dipepala dilombola i ani muludiki wālailwe ne i bika byakalonga.”

Réveillez-vous ! 8 Kweji 11

“Bana basakilwa kuludikwa pa kusaka bemanije ku mitabakano yobalwa nayo dyalelo, ke amopo? [Muleke alondolole. Kupwa tanga Efisesa 6:4.] Dino dipepala dishintulula buluji bwa madingi a bine. Dīsambila ne pa muswelo ukokeja bambutwile kuludika ne kulemununa babo bana pampikwa kwibakalaja.”