Mwa Kwisambila pa Kupāna Mapepala

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Kiteba kya Mulami 15 Kweji 10

“Butyibi buvule botukwata bwikalanga na lupusa pa bwetu būmi. I kika kibwanya kwitukwasha twepuke kukwata butyibi bwampikwa kwendela’mo? [Muleke akulondolole. Kupwa tanga Nkindi 3:6.] Ino nimelo ya Kiteba kya Mulami ilombola mbila itano ya mu Bible ibwanya kwitukwasha tukwate butyibi bwendele’mo.”

Réveillez-vous ! 22 Kweji 10

“Mungya motwivwanina kitatyi ne kitatyi, mwene nobe uyukile amba kudi bishi bikomanga kwipaibwa na lawa? [Muleke akulondolole.] Dino dipepala dibandaula bubinga bobikomenanga kufwa, kadi ditulombola kya kulonga’po pa kusaka’mba twikinge. Ne kadi disambila pa mulao wa mu Bible wa ntanda keikabela’mopo muntu nansha umo.” Tanga Isaya 33:24.

Kiteba kya Mulami 1 Kweji 11

“Kitatyi kimo batwe bonso twikalanga tujimija kikulupiji kyetu mu bantu. Le kasha kweipangwile’mba: ‘Le i ani ufwaninwe bine kukulupilwa?’ [Muleke akulondolole. Kupwa tanga Nkindi 3:5.] Dino dipepala dishintulula kine kyotufwaninwe kutūdila kikulupiji kyetu kyonso mudi Leza. Kadi dishintulula muswelo otubwanya kujingulula i bantu’ka botufwaninwe kukulupila.”

Réveillez-vous ! 8 Kweji 11

“Bintu bipungwa na māni a pitolo bitenga kubwipi mitamba yonso ya būmi bwetu. Le nobe kweipangwile kashā mwadi mwa kwikadila būmi kwampikilwa’byo? [Muleke akulondolole.] Dino dipepala disambila pa mufikīle māni pa kwikala na mwingilo wa bulēme uno muswelo mu bantu ba dyalelo. Kadi dishintulula ne kyoketufwaninwepo kwakaminwa amba kitatyi kampanda māni asa kukapwa.”