Bitango bya Distrike ne bya Matanda Bitusonshila Tutumbije Leza Ntumbo!
Bitango bya Distrike ne bya Matanda “Tumbijai Leza Ntumbo” bikyendelela kulongwa ne pano i bipāne bukamoni butyikukwa. Bino binkumenkume bikatampe bya kiteokratike bitumbijanga dijina dya Yehova ne kubweja bwino bwetu bwa ‘kupāna kudi Yehova ntumbo mifwaninwe dijina dyandi.’ (Mit. 96:8) Bine, i mufwaninwe shandi kutumbijibwa pa mwanda wa mingilo yandi ya kutendelwa ya bupangi, imwekeja patōkelela ngikadilo yandi ya kwanwa.—Yoba 37:14; Kus. 4:11.
Ingidijai bipangujo bilonda’ko’bi ne myanda yomwalembele, pa kuteakanya ne kulondolola mu kupituluka kwa mpangiko ya bitango kukapityijibwa mu yenga ushilula na 20 Kweji 10.
1. I muswelo’ka bipangwa byampikwa muya obitumbijanga Leza ntumbo, ne kino i kishile namani na mumutumbijija bantu ntumbo? (Mit. 19:1-3; “Bupangi Bwelanga Lubila lwa Ntumbo ya Leza”)
2. Kwalamuka kwa Yesu kufunkila kufikidila’ka, ne dyalelo i muswelo’ka bene Kidishitu obatengwa na kuno kufikidila kwa mwanda? (Dishikulu dya lutwe, “Bimonwa bya Bupolofeto bya Ntumbo Bitukunkanga ku Mityima!”)
3. I muswelo’ka otubwanya kutamija kwityepeja pamo na kwādi na mupolofeto Danyele, ne i muswelo’ka otukamwena’mo byabuyabuya? (Dan. 9:2, 5; 10:11, 12; “Ntumbo ya Yehova Ibasokwelwa ba Kwityepeja”)
4. (a) I bintu’ka bisatu bitala butyibi bwa Leza byotubwanya kuboila’ko ñeni mu bupolofeto bwa Amose? (Am. 1:3, 11, 13; 9:2-4, 8, 14) (b) I ñeni’ka ya kamweno umbūmi Batumoni ba Yehova yobaboila ku kidyumu kidi mu Amose 2:12? (“Bupolofeto bwa Amose—Musapu Wabo mu Ano Etu Mafuku”)
5. (a) I byaka’ka bidi mu mutomeno-mpata wa malwa, nansha shi muntu kakolwangapo? (b) I muswelo’ka otukedingila shi tudi na mutomeno-mpata? (Mako 9:43; Ef. 5:18; “Epuka Dikinga dya Kukolwa Malwa”)
6. I kamweno’ka komwena mu dibuku dipya dya Falanse dinena’mba “Talai’po Ntanda Milumbuluke”? (“ ‘Ntanda Milumbuluke’—Munjiñininya wa Paladisa”)
7. I mu mashinda’ka asatu motukokeja “kumwekeja ntumbo ya Yehova bwa mu kitalo”? (2 Kod. 3:18; “Kumwekeja Ntumbo ya Yehova bwa mu Kitalo”)
8. I ani nsulo ya mushikwa wampikwa mwanda, ne i kika kitukwasha tulame bululame bwetu nansha shi tushikibwa mushikwa wa uno muswelo? (Mit. 109:1-3; “Bashikibwe Pakubulwa Mwanda”)
9. I mumweno’ka wādi umona Kidishitu bukatampe, ne muntu ukajingulula namani amba ufwaninwe kutamija uno mumweno ne pa mfulo? (Mat. 20:20-26; “Tumonei Bukatampe Pamo na Mwādi Mwibumwena Kidishitu”)
10. I kika kibwanya kwitukwasha tushale bakomo ku mushipiditu nansha shi tudi na mpungiji ya ngitu? (“Bakōke Abo’ko Bampikwa Kupungila”)
11. I bingidilwa’ka bimobimo bingidija Satana mwanda wa kuvudija bubela, ne i lwito’ka lwa mu bisonekwa lufike’po lotufwaninwe kwitaba’ko kutyina wakona lwitabijo lwetu? (Yoa. 10:5; “Dyumukai ‘Diwi dya Bēni’ ”)
12. (a) Bambutwile babwanya namani kulonda kifwa kya Yesu na mokilembelwe mu Mako 10:14, 16? (b) I kika kikusangeje kutabukididila mu dibuku dipya dya mu Falanse Boila ñeni Kudi Mufundiji Mukatampe? (“Betu Bana—Bipyanwa Bilēme”)
13. I muswelo’ka utendela bankasampe Yehova? (1 Tem. 4:12; “Muswelo Utendela Bankasampe Yehova”)
14. I bya kumwena’ko’ka bya mu drame “Tusapulei Pakubulwa Moyo Nansha Kudi Kulondwalondwa” byoshele ulamine mu ñeni?
15. I muswelo’ka otukokeja kwiula kifwa kishile (a) ba Petelo ne Yoano? (Bil. 4:10) (b) Shitevani? (Bil. 7:2, 52, 53) (c) kipwilo kya bwine Kidishitu kya mu myaka katwa kabajinji? (Bil. 9:31; drame ne dishikulu dinena’mba “Sapula Myanda Miyampe ne ‘Kuleka’byo Mpika’ ”)
16. (a) I lukwembo’ka lotwatyipile mu kutumbija Leza ntumbo? (b) I bika byotukulupile shi twendelele kwingidija byobya byotwafundile ku bitango “Tumbijai Leza Ntumbo”? (Yoa. 15:9, 10, 16; “ ‘Pai Bipa Bivule Bine’ bya Kutumbija Yehova Ntumbo”)
Tukakunkwa kwingidija bintu byonso byotwafundile shi tulanguluka pa bufundiji bwa ku mushipiditu bwaletelwe ku kitango. (Fid. 4:8, 9) Kino kikaningija kusumininwa kotusumininwe ‘kulongela bintu byonso monka mu ntumbo ya Leza.’—1 Kod. 10:31.