Kitango kya Distrike Kitutonona Tunange ne Leza

Bine, Kitango kya Distrike “Tunangei ne Leza” kyapitulukile mu uno musoñanya wa Yehova udi patōka amba: “Dine dino’di dyo dishinda, nangaimo”! (Is. 30:21) Kulonda misoñanya yotwatambwile’ko ko kuketukwasha ‘tutūkanye biyampe pa kunanga.’ (Ef. 5:15) Kadi kulanguluka pa byotwifunda kuketufikija pa ‘kwenda tunangila mu bubinebine.’​—3 Yoa. 3.

Ingidija bipangujo bilonda’ko ne myanda yowasonekele mwa kwiteakenya ne kulondolola ku kupituluka kwa mpangiko ya kitango kya uno mwaka. Kuno kupituluka kukalongwa mu yenga ushilula na mafuku 18 Kweji 10, ku Kupwila kwa Mingilo.

1. Enoke wābwenye namani kunanga ne Leza nansha byaādi mu bitatyi bya tuvutakanya? (Bah. 11:1, 5, 6; Yude 14, 15; “Kunanga ne Leza mu Bitatyi bya Tuvutakanya”)

2. Musoñanya udi mu Luka 16:10 ukokeja kulondwa mu myanda’ka ya umbūmi? (Lelo “Utūkenye Umbityetyetyetye”?)

3. (a) Tela myanda iná miyampe yotukokeja kuboila’ko ñeni mu Hosea shapita 6 kutūla ku 9, itukwasha tunange ne Leza. (Hos. 6:6, 7; 7:14; 8:7) (b) I myanda’ka mikwabo ya mu Hosea shapita 10 kutūla ku 14 itukwasha tunange ne Leza? (“Bupolofeto bwa Hosea Bwitukwasha Tunange ne Leza”​—Dishikulu dya Mapingu)

4. I bika bikokeja kulonga balume ne bakaji bene Kidishitu mwanda wa kulama kijimba kyabo kya busongi? (Nk. 12:4; Ef. 5:29; “Kokakolwa Kukalañanya ‘Kyokya Kyasambakanya Leza Pamo’”)

5. I muswelo’ka otulombolanga bulēme ku kubungakana kwetu kukola? (Mus. 5:1; Is. 66:23; “Tulombolei Bulēme ku Kubungakana Kwetu Kukola”)

6. (a) I miswelo’ka isatu ya kamweno ya mwingilo wetu wa busapudi yotufwaninwe kwingila pa kusaka netu twele’ko kuboko senene? (Is. 52:7; Zek. 8:23; Mako 6:34) (b) I myanda’ka idi mu kabuku Myanda Miyampe ku Bantu ba Mizo Yonso yomona bu ikakukwasha mpata? (“Myanda Miyampe ku Bantu ba Mizo Yonso”; “Tukwashei Boba Besamba Ludimi Lweni”)

7. Tukokeja kukwasha namani bapya bekale na kikulupiji pobasapula musapu wa Bulopwe? (Bat. 7:17; “Tukwashei Milwi ne Milwi Ilunge Netu mu Mwingilo”)

8. Tukalombola kikulupiji kyetu namani amba “difuku dikatakata dya Yehova didi pabwipi”? (Zef. 1:14; “Tunangei na Lwitabijo, Ke na Kumonapo na Meso”)

9. (a) Mwanda waka kukukajañana i mwanda mukatampe? (Mako 9:42-48) (b) Tukepuka kwikukaja muswelo’ka? (Mit. 119:165) (c) Tukepuka namani kukukaja bakwetu? (1 Kod. 10:24; “Epuka ‘bya Kukukaja, Shi Bika, Shi Bika’ ”)

10. I muswelo’ka otukalama bujalale mu myanda ya kukimba mwinē petu, bukomo bwa ngitu, ne myanda ya bya busunga? (Mit. 26:4; Mat. 6:25; 1 Tem. 6:9; “Mwilamei Senene Umbyonso”)

11. (a) Yesu wālongele bika kitatyi kyobādi bamutundaila na kizaji? (Luka 10:42; 24:32) (b) Netu tukokeja namani kwipwija mukose mu muswelo witutūkija mutyima pamo ne bakwetu? (1 Kod. 10:31-33; “Mingilo Miyampe Itūkijanga Mutyima”)

12. Kukwatañana na Mutōto wa 23, i madyese’ka atambula mikōko ya Yehova, ne i kiselwa’ka kyotudi nakyo? (1 Kod. 10:21; “Yehova I Mukumbi Wetu”)

13. Bene Kidishitu batejanga namani madingi a ku bukomo bwa mushipiditu a ‘kukūla kitatyi kifwaninwe’? (Ef. 5:16; “Tukūlei Kitatyi Kifwaninwe”)

14. (a) “Kitatyi kya kidye” kitelelwe mu Kusokwelwa 14:7 i kubadila’mo bika ne bika? (b) Tulombolanga namani amba twi besansanye na Babiloni Mukatampe bya binebine? (“‘Endelelai na Kukesha’​—Kitatyi kya Kidye Kibafika”) (c) I myanda’ka ikusangeje mu boloshile Endelelai na Kukesha!?

15. Tela ngikadilo isatu yotufwaninwe kwikala nayo kutyina amba ‘twakaleka dishinda dyoloke.’ (2 Pet. 2:15; “Mwilamei Kutyina ‘Mwakaleka Dishinda Dyoloke’”)

16. Bankasampe bakokeja kwijiba “kashinda ka bapupakane” muswelo’ka? (Nk. 4:14; “Bankasampe​—Nangilai mu Dishinda dya Boloke”)

17. (a) Polo i kimfwa kiyampe mpata kya kūminina mu mashinda’ka? (Bil. 14:​19, 20; 16:25-33) (b) I kika kyoketutyininapo balwana na mutōtelo wa bine? (Drame ne dishikulu “Sapula Bukamoni ne pa Mfulo Nansha Byokudi Kulondwalondwa”)

18. I madyese’ka eselwa boba bananga ne Leza? (“Kunanga ne Leza Kuleta Madyese Pano ne Nyeke ne Nyekeke”)

Tusumininwei batwe bonso kuteja “kinenwa [kidi] kunyuma” kwetu kitusoñanya kunanga ne Tata wetu wa mūlu nyeke ne nyekeke.​—Is. 30:21; Yoa. 3:36.