Wibakwashe Batambwile’ko Busapudi Bukwabo
1 Divule potusapula myanda miyampe, twitananga na bantu kebashikatangapo mu mwaba wetu nansha banena ludimi lungi, pakwabo ludimi lwa batumama. Bakwabo botwisambanga nabo mīsambo miyampe ya mu Bible bavilukanga mu mwaba wetu. Le tukebakwasha namani batambwile’ko busapudi bukwabo? I na kwingidija fomu Intérêt à suivre dans une langue étrangère (S-70a) utanwa pano mu bipwilo byetu. Mwenda mafuku, tukengidija fomu Veuillez suivre l’intérêt (S-43).
2 Pavule pene bantu bevwananga na katentekeji myanda miyampe shi basapwilwa’yo mu ludimi lwabo lwa kubutulwa nalo. (Bil. 22:1, 2) O mwanda shi tubetana na muntu unena ludimi lungi, kyaba kivule i biyampe kudinga fomu uno nansha shi muntu’wa kalombwelepo amba wasangela musapu wa Bulopwe. Inoko, kokwa kekuvudilepo bantu banena ludimi lweni abo’ko basapwilwa kitatyi ne kitatyi mu ludimi lwabo, padi kebikalombepo enka kudinga fomu, poso muntu’wa walombola kusepelela.
3 Kudinga Fomu: Longa buninge na bunwa bwa kuyuka dijina dya muntu, adelese yandi, ne nimelo yandi ya telefone. Lombola muswelo waasangela, kitatyi kyabwanya kutanwa kwandi, mabuku owamushila nansha aalomba, ne ludimi lwaivwana biyampe. Shi ubapu kudinga fomu yense, pa’ye lubilo lonka mulembi wa kipwilo kyenu, nandi atume’ye ku kipwilo nansha kisumpi kifwaninwe.
4 Kutuma Fomu: Shi mulembi kayukilepo kipwilo nansha kisumpi kifwaninwe kutuminwa fomu’wa, nansha shi kadipo na adelese ya kwa kutuma’ye, ukokeja padi kwipangula Bilo bya Mwingilo ku musambo na telefone mwa kuyukila myanda yonso yasaka. Papo kebikilombepo kadi monka kusapwila mutadi wa kibundi pomutuma ano mafomu.
5 Ponso patambula kipwilo nansha kisumpi fomu Intérêt à suivre dans une langue étrangère mudingwe, mpangiko ifwaninwe kukwatwa ya kuketana na muntu’wa bukidibukidi. Potuvuija’mo kyetu kipindi na kininga, tukulupilei amba Yehova ukashitula mityima ya boba ‘badi mu ngikadilo mifwaninwe būmi bwa nyeke.’—Bil. 13:48.