Mwa Kwingidijija Fomu Veuillez suivre l’intérêt (S-43)

Ukayuja uno fomu shi ubatana muntu usangela musapu, ino kashikatangapo mu wenu mwaba nansha unena ludimi lweni. Nansha pa kala byotwadi twingidija’ye shi tubatana muntu wisamba ludimi lweni ekale usangela nansha kusangela musapu mpika, pano tukengidija’ye enka shi muntu walombola kusangela. Ketukalongapo namino enka shi muntu i mujike matwi. Shi tubatana muntu mujike matwi, ekale usangela nansha kusangela mpika, tufwaninwe kuyuja fomu S-43.

Le i bika byotukalonga shi tubapu kudinga fomu? Tukapa’ye mulembi wa pa kipwilo. Shi mulembi uyukile kipwilo kwa kutuma’ye, nabya ukatumina’ye bakulumpe ba pa kine kipwilo’kya mwanda wa bakwate’ko mpangiko ya kukwasha muntu usangedile musapu. Shi kayukilepo kipwilo, nabya ukatuma’ye ku bilo ya musambo.

Shi muntu usangedile musapu unenanga ludimi lweni ne ushikatanga mu wenu mwaba, mukendelela kumupempula mwanda wa kutamija kusangela kufika ne byo baketana na musapudi wa pa kipwilo kisamba lwine ludimi’lwa.—Tala Mwingilo Wetu wa Bulopwe wa kweji 11, 2009 paje 4.