Londalonda Kusangela Pampikwa Kwija

Tamba diteba dyetu dya Entelenete dilupulwa, kibalwa kya bantu balomba kwifunda Bible kyendanga kivula mu muswelo utulumukwa. Kadi misapwilo mipya ya mu kitango kya bantu imikwashe bantu bakwabo balombe kifundwa kya Bible. Bilo ya musambo ilondololanga bukidibukidi ku uno mwanda. Kimfwa, shi muntu walombe kifundwa ku diteba dya Entelenete dya jw.org, divule dine bakulumpe badi mu mwaba mudi muntu usangedile musapu’wa batambulanga mukanda utamba ku bilo ya musambo, padi mafuku abidi’tu pa kupita’po. Inoko, malapolo atamba mu mwaba alombola’mba, kupitanga mayenga mavule kwampikwa kukatala bamobamo mu boba balombanga kifundwa kya Bible. Le tukayuka namani’mba muntu i mukwashibwe kumeso kwa aye kujimija kusangela kwandi?—Mako 4:14, 15.

Shi muntu usangedile musapu kashikatangapo mu wenu mwaba, nankyo yuja bukidibukidi fomu Veillez suivre l’intérêt (S-43) ne kupa’ye mulembi ku kupwila kulonda’ko. Mulembi nandi ukatuma’ye ku kipwilo kitalwa na mwanda’wa nansha ku bilo ya musambo mu kupita kwa difuku dimo nansha abidi na kwingidija konte ya Kipwilo ya pa jw.org. Bakulumpe banenwe kutwela kitatyi ne kitatyi pa Diteba. Shi abatambula mukanda ulomba kukapempula muntu, bafwaninwe kulondalonda uno mwanda bukidibukidi. Musapudi ukalombwa kukapempula uno muntu, unenwe kumutūla pa kifuko kibajinji. Shi kamutenepo, nabya ubwanya kumushila kakanda kadi’po adelese yandi.