Le Wabulwa’po Kujokela’ko Bukidibukidi

Kujokela bukidibukidi kwa ani? Kwa boba balombanga mabuku, boba bapebwanga mapepala kitatyi ne kitatyi nansha boba basakanga Kamoni ebapempule ku mobo abo. Le i kwepi kutambanga lwito lonso na luno’lu? Kutambanga ku bantu bepangula bilo bya musambo kupityila ku mikanda, ku telefone nansha ku Entelenete. Shi kusangela kwa uno muswelo kubalombolwa, bilo bya musambo biyukijanga kipwilo kya penu kupityila ku fomu (S-70), unena’mba “Kwatai’ko Mpangiko ya Musapudi wa Bwino Akapempule Uno Muntu.” Shi bakulumpe abatambula fomu (S-70), bafwaninwe kupa’ye bukidibukidi musapudi wa kukalondalonda na kusuminwa kusangela’kwa. Shi i bikomo musapudi kutana muntu’wa ku njibo, nabya musapudi ukatompa kwisamba nandi ku telefone nansha kumushila kamukanda kepamonwe na bapityeshinda. Shi abakulombe kwenda mu bupempudi bwa uno muswelo, longa bukomo bobe bonso ukamone muntu’wa na kampeja-bukidi.