Mwa Kwisambila pa Kupāna Mapepala

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Kiteba kya Mulami 15 Kweji 4

“Mwene bimweka’mba misapu idi’ko dyalelo keidipo na mfulo? [Muleke alondolole.] Inoko, kudi musapu umo wa mvubu kutabuka ulombwelwe mu kino kisonekwa. [Tanga Yoano 17:3.] Dino dipepala dishintulula buluji bwa kishima ‘būmi bwa nyeke’ ne muswelo otukokeja kutambula buyuki buketutwala ku buno būmi.”

Réveillez-vous ! 22 Kweji 4

“Nansha Yesu Kidishitu byadi muyukane bininge pi na pi amba i muntu wa kasha ne kashele, inoko bavule bakiipangula’mba na bubine wādi ani. Le uyukile amba enka ne batumibwa ba Yesu nabo bēipangwile kino? [Muleke alondolole. Kupwa tamba Mako 4:41.] Dino dipepala dibandaula byobya binena Bible padi Yesu.”

Kiteba kya Mulami 1 Kweji 5

“Shi muntu otuswele wafu, tukimbanga kadi kwimona nandi monka. Mwene i amo? [Muleke alondolole.] Bavule baseñwanga na mulao wa mu Bible wa lusangukilo. [Tanga Yoano 5:28, 29.] Dino dipepala diyukija kitatyi kikekala’ko lusangukilo ne i bāni bene bakasangulwa.”

Réveillez-vous ! 8 Kweji 5

“Bambutwile bavule basañunanga bintu bifwaninwe kutala babo bana. Le nobe umonanga amba i bikomo kusokola mafilime mayampe afwaninwe kutala kisaka kyobe? [Muleke alondolole. Kupwa tanga Efisesa 4:17.] Dino dipepala dilombola muswelo ukokeja bambutwile kukwasha babo bana bekale batonga kwipwija mukose kuyampe.”