Mwa Kwisambila pa Kupāna Mapepala

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Kiteba kya Mulami 15 Kweji 4

“Bibamweka’mba bilongwa bya nshikani byendanga bivudila’ko. [Leta’ko kimfwa kimo kya kwenu nansha kidi mu dipepala.] Le nobe kodi mwiipangule kine kyaikadila bantu na nshikani uno muswelo? [Muleke alondolole.] Bible wālaile amba nshikani ikavudila’ko. [Tanga 2 Temote 3:1-5.] Uno mulami ulondolola kipangujo kinena’mba, ‘Lelo bine nshikani ikapwa?’”

Réveillez-vous ! Kweji 4

“Bantu bavule betelanga amba i Bene Kidishitu. Molangila kwikala Mwine Kidishitu kushintulula namani? [Muleke alondolole.] Ivwana byānene Yesu pano. [Tanga Yoano 15:14.] Kino kishinte kilombola’mba kwikala Mwine Kidishitu kulomba bivule, ke’nkapo kwitemba’bo bitupu.” Mulombole kishinte kishilula pa paje wa 26.

Kiteba kya Mulami 1 Kweji 5

“Kufwilwa mwana kuletelanga bambutwile imbinzo mikatampe kadi ya endaenda. Molangila i kwepi kobakokeja kumona busengi? [Muleke alondolole. Kupwa tanga Loma 15:5.] Uno mulami wisambila pa miswelo imoimo ingidija Leza mwanda wa kusenga boba badila.”

Réveillez-vous ! Kweji 5

“Bantu bamo badi na bupeta buvule, ino midiyo ya bantu bakwabo kasha bekala mu bulanda. Ulanga kudi kitatyi kikekala bantu bonso mu ludingo lumo pampikwa kuno kwishilashila? [Muleke alondolole.] Tala mumwenine Leza boba balanda. [Tanga Mitōto 22:24.] Uno Réveillez-vous ! ushintulula lukulupilo luleta Bible ku balanda.”