Mwa Kwisambila pa Kupāna Mapepala

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Kiteba kya Mulami 15 Kweji 3

“Bantu besambilanga divule pa kwiya kwa Yesu Kidishitu. Lelo ulanga amba uno i mwanda wa kutengela’ni nansha i kintu kilengeja moyo? [Muleke alondolole.] Ivwana mwāmwenine’o Yoano mulembi wa Bible. [Tanga Kusokwelwa 22:20.] Uno mulami ushintulula bine bisa kulongeka pa kwiya kwa Kidishitu.”

Réveillez-vous ! Kweji 3

“Bendeji bavule ba ntanda bamweka bu ba mitatulo. Molangila, lelo ino ngikadilo ibwanya’tu kuleta ndoe ne bumo pano pa ntanda? [Muleke alondolole.] Tala munenena Bible pa mwanda utala mitatulo. [Tanga Nkindi 16:18.] Kino kishinte kilombola byabuyabuya bimwenwa mu kwikala betyepeje.” Wisambile pa kishinte kishilula pa paje 20.

Kiteba kya Mulami 1 Kweji 4

“Kubwipi kwa difuku ne difuku twiipangulanga motwikadile, mwikadile bisaka ne twaji twetu. Ino le ulanga kudi kotubwanya kutana malondololo akulupilwa ne otutondwa? [Muleke alondolole.] Teleka’po bidi munenena Bible mu 2 Temote 3:16. [Tanga.] Uno mulami ulombola muswelo ukokeja kwitukwasha Bible mu miswelo mivulevule.”

Réveillez-vous ! Kweji 4

“Mu bipindi bivule bya ntanda, bantu balanga amba misoñanya itala mwikadilo wa bantu yendanga ipona. Lelo nobe kodi mumone kino? [Muleke alondolole.] Ngikadilo yotumwene dyalelo ifikidijanga bupolofeto bwa mu Bible. [Tanga 2 Temote 3:2-4.] Uno Réveillez-vous ! ulombola mwenda muponena mwikadilo wa bantu ne kokwa kowibatwala.”